भारतासह जगभरात दिवाळी (Diwali) मोठ्या उत्सहाने साजरी करण्यात येत आहे. सामान्यांसह जागतिक नेत्यांनीही (World Leaders) दिवाळी साजरी केली आहे. अमेरिकेचे राष्ट्राध्यक्ष जो बायडन (Joe Biden), अमेरिकेचे उपाध्यक्ष कमला हॅरिस(Kamala Harris) आणि ब्रिटनचे पंतप्रधान बोरिस जॉन्सन (Boris Johnson) यांनी देखील दिवाळीच्या शुभेच्छा दिल्या आहेत. जो बायडन आणि अमेरिकेच्या फर्स्ट लेडी जिल बायडन यांनी भारतीयांना दिवाळीच्या शुभेच्छा दिल्या आहेत. व्हाईट हाऊसमध्ये हे दोघेही दिवाळी साजरी करताना दिसले. (Joe Biden, Kamala Harris, Boris Johnson wished on Diwali festival)
व्हाईट हाऊसमध्ये दीप प्रज्वलन करतानाच 'दिवाळीचे दिवे आपल्याला आठवण करून देतात की अंधारातून बाहेर आलं की ते शहाणपण आणि सत्य आहे. विभाजनातून एकता, निराशेतून आशा. अमेरिका आणि जगभरात साजऱ्या होणाऱ्या हिंदू, शीख, जैन आणि बौद्ध धर्मियांना आमच्या तर्फे दिवाळीच्या खूप खूप शुभेच्छा देतो.' असा संदेश त्यांनी दिला आहे.
अमेरिकेच्या उपाध्यक्ष कमला हॅरिस यांनी देखील शुभेच्छा देत , 'अमेरिकेत आणि जगभरात दिव्यांचा सण साजरा करणाऱ्या सर्वांना दिवाळीच्या शुभेच्छा दिल्या आहेत. या वर्षीची दिवाळी विनाशकारी महामारीच्या काळात आणखी खोल अर्थ घेऊन येत आहे. ही दिवाळी आपल्याला आपल्या देशातील सर्वात पवित्र मूल्यांची आठवण करून देते.' असे म्हणत दिवाळीच्या शुभेच्छा दिल्या आहेत.
ब्रिटनचे पंतप्रधान बोरिस जॉन्सन यांनी देखील देशवासियांना शुभेच्छा देत 'आमच्या सर्व कठीण प्रसंगानंतर, मला आशा आहे की ही दिवाळी आमच्यासाठी आनंद घेऊन येईल . वर्षाचा हा काळ कुटुंब आणि मित्रांना भेटण्यासाठी असतो. जेव्हा आपण गेल्या नोव्हेंबरचा विचार करतो तेव्हा आपण खूप पुढे आलो आहोत यात शंका नाही.'
इस्रायलचे पंतप्रधान नफ्ताली बेनेट यांनी माझे मित्र नरेंद्र मोदी आणि भारतात आणि जगभरात राहणाऱ्या सर्वांना दिवाळीच्या शुभेच्छा.असे ट्विट करत शुभेच्छा दिल्या आहेत
त्याचबरोबर अमेरिकेतील न्यूयॉर्क शहरात प्रथमच वन वर्ल्ड ट्रेड सेंटर दिवाळी थीमवर आधारित अॅनिमेशनने सजवण्यात आली आहे . यावेळी फटाक्यांची आतषबाजीही करण्यात आली, आणि जी हडसन नदीच्या दोन्ही बाजूंनी रोषणाई करण्यात आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.