JK: सोपोर चकमकीत एक दहशतवादी ठार

जम्मू-काश्मीरमधील (Jammu Kashmir) बारामुल्ला (Baramulla) जिल्ह्यातील सोपोर शहरातील तुलिबल भागात मंगळवारी झालेल्या चकमकीत सुरक्षा दलांनी एका दहशतवाद्याला ठार केले आहे. तर त्यासंबंधीत कारवाई सुरू असल्याचे पोलिसांनी सांगितले आहे. "सोपोर एन्काउंटर अपडेट: 1 दहशतवादी ठार #ऑपरेशन प्रगतीपथावरती आहे. पुढील तपशील पुढे येतील," असे काश्मीर झोन पोलिसांनी ट्विटमकरत म्हटले आहे. (JK One terrorist killed in Sopore encounter)

यापूर्वी सोमवारी काश्मीरचे पोलीस महानिरीक्षक (IGP), विजय कुमार यांनी सांगितले की, खोऱ्यामध्ये सुरक्षा दलांशी झालेल्या चकमकीत तीन पाकिस्तानींसह सात दहशतवादी मारले गेले आहेत.

"रविवारी कुपवाडा येथे चकमक सुरू झाली तर त्यावेळी 20 जून रोजी पाकिस्तानातील दोन एलईटी दहशतवादी ठार झाले. आज पहाटे आणखी एका पाकिस्तानी दहशतवाद्याचा खात्मा करण्यात यश आले. शोपियानमधील एक स्थानिक दहशतवादी, शोकत, त्याच्यासोबत गोळीबार करण्यात आला," काश्मीरचे आयजीपी काश्मीर यांनी एएनआयला दिलेल्या वृत्तांत सांगितले आहे.

"पुलवामामध्ये, एलईटीच्या स्थानिक दहशतवाद्याचा खात्मा करण्यात यश आले आहे. कुलगाममध्ये जैश-ए-मोहम्मदचा एक स्थानिक दहशतवादी आणि एक लष्कर-ए-तैयबा (एलईटी) दहशतवादी मारला गेला आहे. आतापर्यंत एकूण सात दहशतवादी मारले गेले आहेत. त्यातील तीन पाकिस्तानी होते आणि चार स्थानिक दहशतवादी होते.

जम्मू-काश्मीर पोलिसांनी दिलेल्या माहितीनुसार, रविवारी पुलवामाच्या चटपोरा भागात आणि कुलगाममधील डीएच पोरा भागात दहशतवादी आणि सुरक्षा दलांमध्येच चकमकी झाल्या. दरम्यान, कुपवाडा पोलिसांनी अटक केलेल्या दहशतवादी शौकेत अहमद शेख याच्या खुलाशावर लष्कराच्या 28RR सोबत संयुक्त दहशतवादविरोधी अभियान सुरू केले आहे.

काश्मीरमध्ये लक्ष्यित हत्यांच्या घटना घडत असल्याने सुरक्षा दल सतर्क होत आहेत आणि अल्पसंख्याक समुदायाच्या वर्गांनी धमकी दिली होती की जर सरकारने त्यांना स्थलांतरित केले नाही तर ते मोठ्या प्रमाणावर स्थलांतर करण्याच्या तयारीमध्ये आहेत.

जम्मू आणि काश्मीरच्या दोन दिवसीय दौऱ्यावर असलेले संरक्षण मंत्री राजनाथ सिंह () यांनी लोकांना सामाजिक बांधणी तोडण्याची परवानगी न देण्याचे आवाहन केले होते आणि नमूद केले होते की येत्या काही महिन्यांत निवडणूक प्रक्रिया सुरू होण्याची शक्यता देखील आहे.

जम्मू-काश्मीरमध्ये नुकत्याच झालेल्या टार्गेट किलिंगमध्ये परकीय षडयंत्र असून, असे प्रयत्न हाणून पाडले जातील, असे ही ते यावेळी म्हणाले. महाराज गुलाबसिंग यांच्या 200 व्या वर्धापन दिनानिमित्त आयोजित 'राज्याभिषेक सोहळ्यात आयोजित कार्यक्रमात ते बोलत होते.

"मी इथल्या लोकांना आवाहन करतो की, जम्मू-काश्मीरची सामाजिक जडणघडण धर्म, जातीच्या वर चढून कधीही तोडू नयेत. इथे काही शक्ती आहेत ज्यांनी नेहमीच ही सामाजिक बांधणी तोडण्याचा प्रयत्न केला आणि कट्टरपंथीयांना प्रोत्साहन दिले आहे.