Javed Akhtar: 'ते अजूनही तुमच्या देशात राजरोसपणे फिरत आहेत...' 26/11 च्या हल्ल्यावरुन पाकिस्तानवर टीका

Javed Akhtar: लाहोरमधील फैज फेस्टीव्हल 2023 मध्ये गीतकार जावेद अख्तर सामील झाले होते. यावेळी जावेद अख्तर यांनी पाकिस्तानवर 26/11 च्या हल्ल्याचा उल्लेख करत टीका केली आहे.

दहशतवाद्यांना पाकिस्तानमध्ये आश्रय दिल्याने त्यांनी ही टीका केली आहे. तुमच्या देशात आजही दहशतवादी फिरत आहेत.

जावेद अख्तर यांनी फैज फेस्टीव्हलमध्ये म्हटले आहे की, आम्ही मुंबईचे लोक आहोत. आम्ही पाहिले आहे की आमच्याशहरावर कसा हल्ला झाला. ती लोकं नॉर्वे किंवा इजिप्तमधून तर आली नाहीत. ते आजही तुमच्या देशात फिरत आहेत.

ही तक्रार जर भारतीयांच्या मनात असेल तर तुम्ही वाईट वाटून घेतले नाही पाहिजे असे जावेद अख्तर यांनी म्हटले आहे.

सोशल मिडियावर जावेद अख्तर यांच्या वक्तव्याचा व्हिडिओ व्हायरल झाला असून या व्हिडिओने धुमाकूळ घातला आहे. नेटकरी जावेद अख्तर यांचे कौतुक करत असून याला खरी देशभक्ती म्हणतात असेही काहीजणांनी म्हटले आहे.

दरम्यान, 17 ते 19 फेब्रुवारीला हा फैज फेस्टिव्हल पार पडला. यामध्ये जावेद अख्तर( Javed Akhtar) यांनी मुशायरेमध्ये भाग घेतला होता तसेच त्यांनी आपले नवीन पुस्तकदेखील प्रकाशित केले आहे.