कॅनडात (Canada) हाऊस ऑफ कॉमन्सच्या (House of Commons) निवडणूका नुकत्याच पार पडल्या आहेत. यामध्ये 17 भारतीय निवडूण आले असून त्यामध्ये 16 जण मूळचे पंजाबचे आहेत. त्याचबरोबर यात 6 भारतीय महिलांचा समावेश आहे. तसेच न्यू डेमॉक्रॅटिक पक्षाचे प्रमुख नेते जगमित सिंग (Jagmeet Singh) आणि देशाचे संरक्षणमंत्री हरजित सिंग सज्जन (Defense Minister Harjit Singh Sajjan) यांचा समावेश आहे. मूळच्या भारतीय महिला असलेल्या हाऊस ऑफ कॉमन्समध्ये निवडूण आल्या आहेत, त्यामध्ये अनिता आनंद (Anita Anand), अंजू धिल्लां, सोनिया सिध्दू, रुबी सहोता, बर्दिश चग्गर यांचाही समावेश आहे. विशेष म्हणजे अंजू धिल्ला (Anju Dhilla) सलग दोनवेळा निवडूण आल्या आहेत. त्यासह निवडूण आलेले एकमेव बिगरपंजाबी नेते चंद्रकांत आर्य (Chandrakant Arya) हे मूळचे कर्नाटकमधील असून ते लिबरल पक्षाकडून निवडूण आले आहेत. मागच्या वेळी कॅनडाच्या हाऊस ऑफ कॉम्न्समध्ये 20 भारतीय जिंकून आले होते. यावर्षी ही संख्या तीनने कमी झाली आहे.
किंगमेकर भारतीय नेते
यंदा कोणत्याच पार्टीला स्पष्ट असे बहुमत मिळालेले नाही. मात्र लिबरल पक्षाला सर्वाधिक जागा मिळाल्या असून, जस्टीन ट्रुडो यांच्या गळ्यात पुन्हा पंतप्रधान पदाची माळ पडली आहे. विशेष म्हणजे जगमित सिंग यांच्या न्यू डेमॉक्रेटिक पक्षांना पाठिंबा दिल्याने हे शक्य झाले आहे. त्यामुळे ते खरे किंगमेकर म्हणून ओळखले जात आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
