Israel Hamas War: गाझामध्ये इस्रायलचे हवाई हल्ले सुरुच आहेत. गाझामधील हमासच्या आरोग्य मंत्रालयाने सोमवारी सांगितले की, एकाच दिवसात हवाई हल्ल्यात 110 पॅलेस्टिनी ठार झाले आहेत. एका निवेदनात मंत्रालयाने सांगितले की, जबलिया येथे झालेल्या बॉम्बस्फोटानंतर 50 लोक ढिगाऱ्याखाली गाडले गेले. आरोग्य मंत्रालयाने शुक्रवारी सांगितले होते की, 7 ऑक्टोबर रोजी हमासच्या हल्ल्यानंतर सुरु झालेल्या इस्रायली मोहिमेत आतापर्यंत 18,800 लोक मारले गेले आहेत.
दरम्यान, काल रात्री इस्रायलने ज्या ठिकाणाला लक्ष्य केले त्या ठिकाणी तीन कुटुंबे राहत होती. मिळालेल्या माहितीनुसार, अद्यापही मदत पोहोचलेली नाही. अशा स्थितीत तिथे उपस्थित असलेले लोक कोणत्या ना कोणत्या प्रकारे सर्वसामान्यांना मदत करत आहेत. इस्रायली सैन्य गेल्या दोन आठवड्यांपासून जबलियाला लक्ष्य करत आहे. इथे त्यांनी शरणार्थी छावणीला सर्व बाजूंनी वेढले आहे. दुसरीकडे, इस्त्रायली लष्करानेही जबलियावरील हल्ल्याबाबत वक्तव्य केले आहे. यानुसार इस्त्रायली लष्कर हल्ल्याची योजना आखताना पूर्ण तयारी करते. विशेष म्हणजे, अॅडव्हान्समध्ये इशाराही दिला जातो.
दुसरीकडे, या दिवसांत इस्रायलने आपल्याच तीन नागरिकांवर गोळीबार केला. दरम्यान, हमासचा सर्वात मोठा बोगदा सापडल्याचा दावा इस्रायलने केला आहे. इस्रायली लष्कराच्या म्हणण्यानुसार, हा बोगदा चार किलोमीटरपर्यंत पसरलेला आहे. IDF ने सोशल मीडिया साइट X वर एक व्हिडिओ शेअर केला. त्यात म्हटले की, बोगद्याची एन्ट्री इरेज क्रॉसिंगपासून फक्त 400 मीटर (1,310 फूट) वर होती. इरेझ क्रॉसिंगमुळे गाझाच्या लोकांना इस्रायलमध्ये काम करण्यासाठी आणि इस्रायली रुग्णालयांमध्ये उपचार घेण्यास परवानगी मिळते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.