Israel-Hamas Conflict: इस्राइलच्या मिलिटरी अॅक्शनमुळे नागरिकांच्या मृत्यूचा अमेरिकेने केला निषेध

Israel-Hamas Conflict: गेल्या काही दिवसांपासून इस्राइल-हमास संघर्षाने थैमान घातले आहे. या संघर्षाचा परिणाम संपूर्ण जगावर होताना दिसत असून आत्तापर्यंत हजारो नागरिकांनी यामध्ये आपला जीव गमावला आहे.

आता अमेरिकेचे परराष्ट्र मंत्री अँटोनी ब्लिंकन यांनी इस्रायलच्या लष्करी कारवाईमुळे गाझामधील नागरिकांच्या मृत्यूचा तीव्र निषेध केला आहे. गेल्या काही आठवड्यात अनेक पॅलेस्टिनी मारले गेले असून अनेकांचे नुकसान झाले आहे. इस्रायलच्या लष्करी कारवाईमुळे गाझामध्ये झालेल्या विनाशाविरोधात असंतोष वाढत असतानाच त्यांनी हे हे वक्तव्य केले आहे.

भारत-अमेरिका 'टू प्लस टू' मंत्रिस्तरीय चर्चेच्या शेवटी एका मीडिया ब्रीफिंगमध्ये ब्लिंकेन यांनी हे वक्तव्य केले आहे. ते पुढे म्हणाले, 'गेल्या काही आठवड्यात अनेक पॅलेस्टिनी मारले गेले आहेत, अनेकांचे नुकसान झाले आहे. त्यांचे नुकसान होण्यापासून संरक्षण करण्यासाठी आणि त्यांना मिळणारी मदत वाढवण्याचा आपला प्रयत्न असल्याचे वक्तव्यदेखील त्यांनी केले आहे.

आम्ही इस्राइलबरोबर चर्चा सुरुच ठेवत असून हमासने ओलीस ठेवलेल्या नागरिकांची सुटका करावी यासाठीदेखील अमेरिका प्रयत्न करणार असल्याचे ब्लिंकेन यांनी म्हटले आहे. दरम्यान, या लढ्यात अनेक निष्पाप नागरिकांनी आपला जीव गमावला असून अनेक नागरिक बेपत्त आहेत.