सार्वजनिक ठिकाणी गोळीबाराच्या बातम्या अनेकदा अमेरिकेतून समोर येत असतात. पण यावेळी ही गोळीबाराची बातमी स्वीडनमधून आली आहे. स्वीडनमधील (Sweden) एका शॉपिंग सेंटरमध्ये झालेल्या गोळीबारात जखमी झालेल्या एका व्यक्तीचा शुक्रवारी मृत्यू झाला आहे. (Indiscriminate shooting at a Sweden mall one dead)
पोलिसांनी दिलेल्या माहितीनुसार, हल्ल्यात जखमी झालेली एक महिला रुग्णालयात असून तिच्यावर अध्याप उपचार सुरू आहेत. दक्षिणेकडील मालमो शहरात घडलेल्या घटनेतील संशयित शूटरला पोलिसांनी अटकेत घेतले आहे.
एएफपीच्या म्हणण्यानुसार, पोलिसांनी या घटनेशी दहशतवादी संबंधास नकार दिला आहे. स्थानिक मीडियाने प्रत्यक्षदर्शींचा हवाला देत सांगितले की, संशयिताने जमावावर अंदाधुंद गोळीबार केला, परंतु पोलिसांनी याला दुजोरा दिला नाहीये.
जुलैमध्ये, डॅनिश राजधानी कोपनहेगनमधील एका शॉपिंग मॉलमध्ये झालेल्या गोळीबारामध्ये तीन जणांचा मृत्यू झाला होता, जो मालमोपासून 30 किमी अंतरावर आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
