महिला सक्षमीकरणाबाबत भारतात अनेक महत्त्वाची पावले उचलली जात आहेत. संयुक्त राष्ट्रातील भारताच्या स्थायी प्रतिनिधी रुचिरा कंबोज यांनी ही माहिती दिली. समाजात लैंगिक न्याय कसा सुनिश्चित करता येईल हे त्यांनी स्पष्ट केले. यूएनमधील भारतीय मिशनने एक विशेष कार्यक्रम आयोजित केला होता. यामध्ये महिलांच्या स्थितीवर चर्चा करण्यात आली. यावेळी भारताचे प्रतिनिधी कंबोज म्हणाल्या की, भारत 2047 पर्यंत विकसित देश बनेल आणि महिला सक्षमीकरणातून हे शक्य होईल.
कार्यक्रमादरम्यान, संयुक्त राष्ट्रातील भारताच्या (India) स्थायी प्रतिनिधी रुचिरा कंबोज यांनी सांगितले की, महिलांसाठी एक बहुआयामी धोरण तयार केले जात आहे. यामध्ये आरोग्य, सुरक्षा आणि रोजगार या क्षेत्रात महिलांना सक्षम बनवण्याचे काम केले जात आहे.
त्या पुढे म्हणाल्या की, हा उपक्रम लैंगिक न्याय, समानता आणि भारताच्या सामाजिक-आर्थिक-राजकीय आणि सांस्कृतिक क्षेत्रात महिलांचा सहभाग सुनिश्चित करत आहे. युनायटेड नेशन्समध्ये महिलांच्या स्थितीबाबत 68 वी वार्षिक बैठक 11 मार्चपासून सुरु झाली, जी 22 मार्चपर्यंत चालणार आहे. या बैठकीदरम्यान भारतीय मिशनने भारतात महिला सक्षमीकरणासाठी उचलल्या जाणाऱ्या पावलांची माहिती दिली.
G20 च्या अध्यक्षपदी असतानाही PM मोदी (PM Modi) म्हणाले होते की, 'महिला सक्षमीकरणाचे नवे पर्व सुरु होत आहे.' अलीकडेच भारताने संयुक्त राष्ट्रात धार्मिक दहशतवादाचा तीव्र निषेध केला होता. भारताच्या संयुक्त प्रतिनिधी रुचिरा कंबोज (India's Representative Ruchira Kamboj) म्हणाल्या की, ''धर्मविरोधी असो, ख्रिश्चनविरोधी असो किंवा इस्लामविरोधी भावना असो, भारत सर्वांच्या विरोधात आहे.''
त्या पुढे म्हणाल्या की, हिंदू, शीख आणि बौद्धविरोधी भावना वाढल्या असून अनेक ठिकाणी मठ, मंदिरे (Temple) आणि गुरुद्वारांवर हल्ले होत आहेत. इस्लामोफोबियाला तोंड देण्यासाठी उपाययोजनांवरील प्रस्तावावरील चर्चेदरम्यान कंबोज यांनी ही माहिती दिली. त्या म्हणाल्या की, 'भारत सर्व धर्मांचा आदर करतो आणि संपूर्ण जगाकडे कुटुंबाच्या दृष्टीकोनातून पाहतो.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.