इमरान खान यांना भारतीय हवाई क्षेत्र वापरण्याची दिली परवानगी

India permitted Pakistan PM Imran Khan to use Indian airspace
India permitted Pakistan PM Imran Khan to use Indian airspace
Published on: 
Updated on: 

नवी दिल्ली: भारताने पाकिस्तानचे पंतप्रधान इमरान खान यांना आपले हवाई क्षेत्र वापरण्याची परवानगी दिली आहे. इम्रान खान पुढील आठवड्यात मंगळवारी आपल्या मंत्री सहकाऱ्यांसह उच्चस्तरीय व्यावसायिक प्रतिनिधीसोबत श्रीलंकेच्या दोन दिवसीय दौऱ्यावर जात आहेत आणि त्यांना श्रीलंकेला जाण्यासाठी भारतीय हवाई क्षेत्राचा वापर करण्याची आवश्यक असणार आहे.

यापूर्वी 2019 च्या सुरुवातीच्या काळात पाकिस्तानने पंतप्रधान नरेंद्र मोदी यांच्यावर जम्मू-काश्मीरमधील मानवाधिकारांचे उल्लंघन केल्याचा आरोप केला होता. त्याचबरोबर पंतप्रधान नरेंद्र मोदी यांना आपले हवाई क्षेत्र वापरण्यासाठी अमेरिका आणि सौदी अरेबियाचा प्रवास करण्यास परवानगी नाकारली होती.

मिळालेल्या माहितीनुसार इम्रान यांची अध्यक्ष गोटबाया राजपक्षे आणि पंतप्रधान महिंदा राजपक्षे यांच्याशी द्विपक्षीय बैठक होणार आहे आणि यावेळी व्यापार, गुंतवणूक, आरोग्य, शिक्षण, कृषी, तंत्रज्ञान, संरक्षण आणि पर्यटन या मुद्द्यांवर चर्चा होणार आहे. पाकिस्तानच्या परराष्ट्र कार्यालयाने सांगितले की, इमरान खान पंतप्रधान राजपक्षे यांनी दिलेल्या निमंत्रणावरून अधिकृत भेटीवर श्रीलंकेला जात आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.