Mexico Viral Video: हवेत उडणाऱ्या हॉट एअर बलूनला लागली आग, पर्यटकांनी आकाशातून ठोकली उडी

Mexico Viral Video: मेक्सिकोतील एक व्हिडिओ सोशल मीडियावर मोठ्या प्रमाणात व्हायरल होत आहे. यामध्ये एक हॉट एअर फुगा हवेत उडत असून त्याला अचानक आग लागली. दरम्यान, काही लोक जीव वाचवण्यासाठी फुग्यावरून खाली उडी मारताना दिसत आहेत. शनिवारी, 1 एप्रिल रोजी मेक्सिको सिटीजवळील प्रसिद्ध टिओतिहुआकान पुरातत्व स्थळाजवळ ही घटना घडली असे सरकारने सांगितले आहे. या अपघातात आगीमुळे दोघांचा मृत्यू झाला.

मेक्सिको राज्य सरकारने सांगितले की काही प्रवाशांनी बलूनमधून उडी मारली. या अपघातात एक बालकही भाजले आहे. अपघातात 39 वर्षीय महिला आणि 50 वर्षीय पुरुष मृत झाला आहे. या अपघातात एका मुलाचा चेहरा आगीत पूर्णपणे जळाला आहे. यासोबतच त्याचा उजवा पायही फ्रॅक्चर झाला आहे. आग लागल्यानंतर बलूनमधील अनेक प्रवासी घाबरले आणि त्यांनी हॉट एअर बलूनमधून उड्या मारल्या

दरम्यान, जारी करण्यात आलेल्या निवेदनात हॉट एअर बलूनमध्ये इतर प्रवासी होते की नाही हे सांगण्यात आलेले नाही. त्याचवेळी या अपघाताचा व्हिडिओ सोशल मीडियावर शेअर केला जात आहे. सोशल मीडियावर शेअर करण्यात आलेल्या व्हिडीओमध्ये, निरभ्र आकाशात हॉट एअर बलूनने उड्डाण करताच फुग्याच्या गोंडोलाला आग लागली. त्यात बसलेले प्रवासी घाबरले आणि त्यांनी हॉट एअर बलूनवरून उड्या मारल्या. असे दिसून येत आहे.

मेक्सिकोतील टिओतिहुआकन हे सूर्य आणि चंद्राचे पिरॅमिड्स आणि त्याचा अव्हेन्यू ऑफ डेड असलेले एक लोकप्रिय पर्यटन स्थळ आहे, जे प्री-कोलंबियन काळातील स्मारक आहे.