दिल्लीतील श्रद्धा वालकरच्या हत्या प्रकरणसारखीच घटना हाँगकाँगमध्ये घडली आहे. प्रसिद्ध मॉडेल अॅबी चोईची हत्या करून तिच्या मृतदेहाचे तुकडे करून, फ्रीजमध्ये ठेवले. पोलिसांनी फ्रीजमधून मॉडेलच्या पायाचे तुकडे सापडले आहेत. मात्र, डोक्यासह शरीराचे अनेक भाग अद्याप सापडलेले नाहीत.
अॅबी चोई हाँगकाँगची खूप लोकप्रिय मॉडेल होती असे सांगितले जात आहे. 28 वर्षांच्या अॅबीने अल्पावधीतच खूप लोकप्रियता मिळवली. या महिन्यात ती मोनाको नावाच्या मासिकाच्या कव्हर पेजवर आली होती.
धक्कादायक बाब म्हणजे, अॅबी चोई हिच्या पायाचे तुकडे फ्रीजमध्ये सापडले आहेत. मात्र, तिच्या डोक्यासह शरीराचे अनेक भाग अद्याप सापडलेले नाहीत. घरातून दोन सूपच्या दोन प्लेट्स सापडल्या असून पोलिसांना त्यामध्ये मानवी अवयव सापडले आहेत.
पोलिस अधिकाऱ्यांचे म्हणणे आहे की, मॉडेलचा तिचा पूर्वीचा पती आणि त्याच्या कुटुंबीयांशी आर्थिक वाद सुरू होता. अत्यंत सुनियोजित पद्धतीने ही हत्या करण्यात आली आहे. घरातून मॉडेलच्या शरीराचे अवयव कापण्याची साधनेही जप्त करण्यात आली आहेत. पोलिसांनी चोईचे पूर्वीच्या पतीचे वडील, आई आणि मोठा भाऊ यांना अटक केली असून, त्यांच्यावर खुनाचा गुन्हा दाखल केला जाणार आहे.
पोलिसांना अॅबी चोईचे ओळखपत्र, क्रेडिट कार्ड आणि इतर वस्तूंसह रेफ्रिजरेटरमधून दोन पाय सापडले आहेत. अॅबी चोईचे डोके, धड आणि हात घटनास्थळी नसताना सूपच्या भांड्यांमध्ये मानवी हाडे आढळले आहेत. याप्रकरणाचा अधिक शोध सुरू आहे.
मीडिया रिपोर्ट्सनुसार, मॉडेलचे सासरे, जे स्वतः पोलिसात आहेत, तेच या हत्येचे खरे सूत्रधार आहेत. पोलिसांना असा विश्वास आहे की अॅबीचा पती आणि तिच्या सासरच्यांसोबत विकू इच्छित असलेल्या 100 दशलक्ष हाँगकाँग डॉलर मालमत्तेवरून आर्थिक वाद होता.
घरात मानवी अवशेष कापण्यासाठी वापरलेली साधने सापडली आहेत. यात मांस ग्राइंडर, चेनसॉ, लांब रेनकोट, हातमोजे आणि मुखवटा यांचा समावेश आहे. चोईच्या पतीने काही आठवड्यांपूर्वी घर भाड्याने दिले होते. हा खून करण्याच्या उद्देशाने भाड्याचे घर घेतल्याचा पोलिसांना संशय आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.