California Schools To Introduce Hindi In Curriculum: अमेरिकेतील 'सिलिकॉन व्हॅली' म्हणून ओळखल्या जाणाऱ्या कॅलिफोर्नियातील दोन सरकारी शाळा पहिल्यांदाच त्यांच्या अभ्यासक्रमात जागतिक भाषा म्हणून हिंदीचा समावेश करणार आहेत. यानंतर विद्यार्थ्यांना ऐच्छिक विषयात हिंदीचा पर्यायही मिळेल.
दरम्यान, फ्रिमोंट येथे राहणाऱ्या भारतीय-अमेरिकन समुदायाने या निर्णयाचे स्वागत केले आहे. शाळांमध्ये मुलांनाही हिंदी शिकवली जावी, अशी या समुदयाची अनेक दिवसांपासून मागणी होती. हे लक्षात घेण्यासारखे आहे की, फ्रिमोंट हे कॅलिफोर्नियाचे क्षेत्र आहे, जिथे भारतीय-अमेरिकन नागरिकांची उपस्थिती सर्वाधिक आहे. 17 जानेवारी रोजी, फ्रिमोंट युनिफाइड स्कूल डिस्ट्रिक्ट (FUSD) बोर्डाने दोन शाळांमध्ये या संदर्भात एक पथदर्शी कार्यक्रम सुरु करण्यासाठी मतदान केले. हा प्रस्ताव 4-1 अशा फरकाने मान्य करण्यात आला.
दुसरीकडे, बैठकीदरम्यान, FUSD मंडळाचे सदस्य विवेक प्रसाद, शेरॉन कोको, लॅरी स्वीनी आणि अध्यक्ष याजिंग झांग यांनी या प्रस्तावाला जोरदार पाठिंबा दर्शवला आणि त्यांच्या निर्णयात विद्यार्थ्यांचे कल्याण हा प्रमुख घटक असल्याचे नमूद केले, असे मीडिया रिलीजमध्ये म्हटले आहे. आता हॉर्नर मिडल स्कूल आणि इरव्हिंग्टन हायस्कूलमध्ये ऑगस्टपासून सुरु होणाऱ्या 2024-24 अध्यापन सत्रातही हिंदीचा समावेश केला जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.