पाकिस्तान तेहरीक-ए-इन्साफ (पीटीआय) च्या नेतृत्वाखालील सरकारने पाकव्याप्त काश्मीरमधील शैक्षणिक संस्थांमध्ये विद्यार्थिनी आणि महिला शिक्षकांसाठी हिजाब अनिवार्य केला आहे. पीओके सरकारने या संदर्भात अधिसूचना जारी केली आहे.
(Hijab mandatory for female students & teachers in PoK)
अधिसूचनेनुसार, सह-शैक्षणिक संस्थांमध्ये महिला विद्यार्थिनी आणि शिक्षकांना हिजाब घालणे बंधनकारक असेल. यासोबतच आदेशाचे उल्लंघन करणाऱ्या संस्था प्रमुखावर कारवाई करण्यात येणार असल्याचे सांगण्यात आले आहे.
सरदार तन्वीर यांच्या नेतृत्वाखालील पीटीआय सरकारच्या निर्णयावर लोक जोरदार टीका करत आहेत. महिलांना पर्याय द्यायला हवा, असे म्हणत मारियाना बाबर यांनी या निर्णयावर टीका केली. गेल्या वर्षी तालिबाननेही अफगाणिस्तानातील महिलांना सार्वजनिक ठिकाणी हिजाब घालणे अनिवार्य केले होते.
गेल्या वर्षी, अफगाणिस्तानच्या तालिबान शासकांनी तुघलकी हुकूम जारी करत, सर्व अफगाण महिलांनी सार्वजनिक ठिकाणी डोक्यापासून पायापर्यंत पूर्ण कपडे घालणे अनिवार्य केले आहे. गरज असल्याशिवाय महिलांनी घराबाहेर पडू नये, असेही तालिबानी राज्यकर्त्यांच्या वतीने सांगण्यात आले.
ड्रेसकोडचे उल्लंघन करणाऱ्या महिलांवर कडक कारवाई करण्यात येईल, असेही आदेशात म्हटले आहे. यासोबतच ड्रेसकोडचे उल्लंघन केल्यास त्यांच्या घरातील पुरुषांनाही जबाबदार धरण्यात येणार आहे. याआधीही तालिबान शासकांनी महिलांबाबत अनेक फर्मान काढले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.