'मी चाललो, हा घ्या राजीनामा'; कंपनीने पगारात 300 टक्के वाढ करुन कर्मचाऱ्याला थांबवले

Google Employees: कोविड दरम्यान आणि नंतर, तुम्ही टेक ऑफ हा शब्द नक्कीच ऐकला असेल. या इंग्रजी शब्दाचा अर्थ ले-ऑफ असा होतो आणि हा ले-ऑफ केवळ छोट्या कंपन्यांनीच नाही तर मोठ्या बहुराष्ट्रीय कंपन्यांनीही केला होता. ज्यामध्ये गुगल, फेसबुक आणि ॲमेझॉनसारख्या अनेक कंपन्यांचा समावेश होता. पण सध्या गुगलची एक बातमी चर्चेत आहे. जिथे त्याने आपल्या कर्मचाऱ्याला रोखण्यासाठी अशी ऑफर दिली की जी जाणून तुम्हीही अवाक व्हाल...

दरम्यान, गुगलमध्ये काम करणाऱ्या लोकांना माहीत आहे की इथे त्यांना एवढा कंफर्ट मिळतो की कर्मचाऱ्याला इच्छा असूनही नोकरी सोडता येत नाही, तरीही एखाद्याला सोडायची असेल तर गुगल आपल्या कर्मचाऱ्याला रोखण्याचा सर्वतोपरी प्रयत्न करते. आता हे प्रकरण बघा जिथे गुगलने आपल्या कर्मचाऱ्याला कायम ठेवण्यासाठी 300 टक्के वेतनवाढ दिली आहे. कंपनीच्या सीईओने याचा खुलासा केला आहे.

गुगलने हे का केले?

परप्लेक्सिटी एआयचे सीईओ अरविंद श्रीनिवास यांनी बिग टेक्नॉलॉजी पॉडकास्टमध्ये ही माहिती दिली. जिथे त्यांनी सांगितले की, ''आम्ही गुगलमध्ये नव्या व्यक्तीला हायर करण्याचा विचार केला. आम्ही त्याला चांगली ऑफरही दिली. पण गुगल कोणत्याही किंमतीत आपल्या कर्मचाऱ्यांना नोकरी सोडून जाऊ देत नाही. अशा परिस्थितीत गुगलने त्याला एवढी मोठी पगारवाढ दिल्याने मला आश्चर्य वाटले.''

दरम्यान, ही बातमी धक्कादायक आहे कारण गेल्या वर्षीच गुगलने 12,000 लोकांना कामावरुन काढून टाकले होते. एकीकडे गुगल टाळेबंदी करत आहे आणि दुसरीकडे एवढी मोठी पगारवाढ देऊन कर्मचाऱ्यांना जाऊ देत नाही. याबाबत अरविंद श्रीनिवास म्हणाले की, टेक कंपन्या या गोष्टीबाबत थोड्या गंभीर आहेत. त्यांच्या एका खास कर्मचाऱ्याने दुसऱ्या कंपनीत जाऊ नये कारण इतर कंपन्यांना याचा थेट फायदा होतो.