लाईव्ह लोकेशन ट्रेस करत रंगेहाथ दोघांना पकडलं; प्रियसीला राग अनावर

जगभरात प्रेमी युगल एकमेकांसाठी खुप काही करताना आपण पाहीलं वाचलं असेल. तसंच प्रेम प्रकरणातून अनेकांनी जीवन संपवल्याचं ही समोर आलं आहे. अशीच धक्कादायकबाब अमेरिकेच्या इंडियानापोलिस शहरात घडली आहे. प्रेमात फसवणूक झालेल्या तरुणीने प्रियकराची निर्घृण हत्या केली. हत्या करण्यासाठी तिने बॉयफ्रेंडच्या अंगावर 3 वेळा कार घातल्याचा धक्कादायक प्रकार समोर आला आहे. ( Girlfriend puts car on boyfriend's body )

या घटनेची माहिती मिळताच पोलिसांनी आरोपी तरुणीला अटक केली आहे. या तरुणीने दुसऱ्या एका युवतीला मारण्याचा अयशस्वी प्रयत्नही केला होता. 'डेली मेल'च्या रिपोर्टनुसार मिळालेल्या माहितीत मॉरिसला नामक युवतीला तिच्या बॉयफ्रेंडचे इंडियाना पोलिसमधील लोकेशन सापडलं. तेव्हा स्मिथ हा तीचा बॉयफ्रेंड एका पबमध्ये होता. आणि त्याच्यासोबत दुसरी गर्लफ्रेंड होती.

मॉरिसलाच्या म्हणन्यानुसार स्मिथ तिची फसवणूक करत होता. इंडियानापोलिस मेट्रोपॉलिटन पोलीस विभागाच्या तपासकर्त्यांनी सांगितलं की, जेव्हा मॉरिस तिथे आली तेव्हा तिने प्रियकर आंद्रे स्मिथसोबत भांडण सुरू केलं. वाद सुरू असताना मॉरिसने दारूच्या रिकाम्या बाटलीने स्मिथसोबतच्या तरुणीवर हल्ला करण्याचा प्रयत्न केला.

स्मिथने हा हल्ला रोखला आणि या तरुणीच्या हत्येचा मॉरिसचा प्रयत्न अयशस्वी ठरला. यानंतर तिघांना पबमधून बाहेर काढण्यात आलं. पबमधून बाहेर येताच मॉरिस आपल्या कारमध्ये बसली आणि रस्त्यावरुन चाललेल्या आंद्रेला तिने कारने धडक दिली. ती आंद्रेला तोपर्यंत गाडीखाली चिरडत राहिली, यात त्याचा जीव गेला नसला तरी. पोलिसांनी दिलेल्या माहितीनुसार, मॉरिसने आंद्रेच्या अंगावर तीन वेळा कार चढवली आणि उतरवली आहे. त्यामूळे प्रेमात असताना व्यक्ती कीती टोकाला जाऊ शकते याचं आणखी एक उदाहरण जगासमोर आलं आहे.