रशिया आणि युक्रेनमधील युद्धाला सुरुवात झाली आहे. जगभर हे संकट गडद होऊ लागले आहे. शीतयुद्ध संपल्यानंतर तब्बल 40 वर्षांनंतर पुन्हा एकदा संपूर्ण जग दोन गटात विभागले गेले आहे. अशा परिस्थितीत अनेक देशांनी रशियावर (Russia) निर्बंध घालण्याचे जाहीर केले आहे. (Find Out Which Countries In The World Are On The Side Of Russia And Ukraine In The Dispute)
दरम्यान रशियाने फुटीरतावाद्यांना पाठिंबा युक्रेनबरोबर (Ukraine) युध्द छेडले. यापुढे जात रशियाने युक्रेनच्या डोनेस्तक आणि लुहान्स्क या दोन प्रातांना स्वतंत्र देश म्हणून घोषित केले आहे. जगातील इतर देशांनी रशियावर घातलेल्या या निर्बंधांचा काय परिणाम होईल हे पाहण औत्सुक्याचे ठरणार आहे.
तसेच, रशिया केवळ तेल आणि वायू क्षेत्रातील एक प्रमुख निर्यातदार नसून इतर वस्तू आणि खनिजांमध्ये देखील मोठा निर्यातदार आहे. अशा परिस्थितीत या वस्तूंचा पुरवठा कमी होऊन किमती वाढतील, अशी शक्यता वर्तविण्यात येत आहे. या युद्धामुळे कोरोना महामारीशी झुंज देत असलेल्या जगात महागाई उच्चांकावर पोहोचू शकते. या संकटामध्ये जगातील कोणते देश रशिया आणि युक्रेनच्या सोबत आहेत. त्याचबरोबर या प्रकरणी भारत आणि पाकिस्तानची भूमिका काय आहे? याकडे अवघ्या जगाचे लक्ष लागले आहे.
कोणते देश रशियाला पाठिंबा देत आहेत?
जर आपण रशियाबद्दल विचार केल्यास या युध्दामध्ये क्युबा पाठिंबा देणारा पहिला असेल. खरं तर, क्युबाने रशियाच्या सीमावर्ती भागात झालेल्या नाटो देशांच्या एन्ट्रीवरुन अमेरिकेवर टीका केली होती. जागतिक शांततेसाठी या समस्येवर राजनैतिक तोडगा काढण्याची मागणीही क्युबाकडून करण्यात आली होती. याशिवाय रशियाला चीनचा पाठिंबा नक्कीच मिळेल, अशी गडद शक्यता जागतिक वर्तुळात रंगू लागली आहे. नाटो देश युक्रेनमध्ये मनमानी करत असल्याचे चीनने आधीच जाहीर केले आहे. खरं तर जेव्हा पाश्चात्य देशांनी चीनच्या विरोधात पावले उचलली, तेव्हा रशियाने चीनला साथ दिली होती. वास्तविक, रशिया आणि चीन या दोन्ही देशांनी विविध क्षेत्रात आपली भागीदारी नोंदवली आहे.
हे देश रशियालाही मदत करतील
याशिवाय अर्मेनिया, कझाकिस्तान, किरगिझस्तान, ताजिकिस्तान आणि बेलारुस, जे एकेकाळी सोव्हिएत युनियनचा भाग होते, ते रशियालाही पाठिंबा देण्यासाठी पुढे येऊ शकतात. कारण त्यांनी सहा देशांच्या सामूहिक सुरक्षा करारावर स्वाक्षरी केलेली आहे. अर्थातच रशियावर हल्ला झाला तर, हे देश त्याला स्वतःवरचा हल्ला समजतील. याशिवाय अझरबैजानही रशियाच्या मदतीसाठी पुढे येऊ शकतो.
इराण रशियालाही पाठिंबा देईल
जर आपण मध्य पूर्वेकडील देशांचा विचार केल्यास इराण रशियाला पाठिंबा देऊ शकतो. खरं तर अणुकरार अयशस्वी झाल्यापासून रशिया इराणला आपल्या गोटात आणण्याचा सतत प्रयत्न करत आहे. याशिवाय सीरियासोबतच्या युद्धात रशियाने इराणला शस्त्रे पुरवली होती. त्याचवेळी उत्तर कोरिया युद्ध झाल्यास रशियालाही पाठिंबा देऊ शकतो. खरं तर उत्तर कोरियाने द्वीपकल्पात क्षेपणास्त्रे डागली, त्यावेळी अमेरिकेने त्यावर निर्बंध घालण्याची घोषणा केली होती. तेव्हा रशिया आणि चीन या दोन्ही देशांनी अमेरिकेला कडाडून विरोध केला होता. त्याचबरोबर पाकिस्तानही रशियाला पाठिंबा देऊ शकतो, कारण पाकिस्तानचे पंतप्रधान इम्रान खान सध्या रशियाच्या दौऱ्यावर आहेत.
कोणते देश युक्रेनला पाठिंबा देतील?
आता आपल्याला अशा देशांबद्दल जाणून घेऊया जर महायुद्ध झाल्यास युक्रेनला पाठिंबा देऊ शकतात. अशा परिस्थितीत नाटोमध्ये समाविष्ट असलेले युरोपीय देश, बेल्जियम, कॅनडा, डेन्मार्क, फ्रान्स, आइसलँड, इटली, लक्झेंबर्ग, नेदरलँड, नॉर्वे, पोर्तुगाल, ब्रिटन आणि अमेरिका युक्रेनला पूर्ण पाठिंबा देतील. त्यापैकी अमेरिका आणि ब्रिटन हे युक्रेनचे सर्वात मोठे समर्थक सिद्ध होऊ शकतात.
तसेच, जर्मनी आणि फ्रान्सने अलीकडेच मॉस्कोला भेट देऊन हा वाद शमवण्याचा प्रयत्न केला होता, परंतु जेव्हा रशियाचे अध्यक्ष व्लादिमीर पुतिन यांनी दोन युक्रेन प्रातांना स्वतंत्र देश म्हणून घोषित केले तेव्हा तिथे सैन्य पाठवण्याची घोषणा केली. जर्मनीने नॉर्ड स्ट्रीम 2 पाइपलाइन बांधली आहे. त्याच वेळी, इतर पाश्चात्य देशांनीही रशियावर निर्बंध लादले आहेत. याशिवाय जपान, दक्षिण कोरिया, ऑस्ट्रेलिया आणि कॅनडा हे देशही युक्रेनला पाठिंबा देत आहेत. त्याचवेळी त्यांनी रशियावर निर्बंध घालण्याची घोषणाही केली आहे.
रशिया-युक्रेन संकटावर कोणते देश तटस्थ आहेत?
आता रशिया-युक्रेन संकटावर तटस्थ असलेल्या देशांबद्दल जाणून घेऊया... भारत हा एकमेव देश आहे, ज्याने या मुद्द्यावर तटस्थ भूमिका घेतली आहे. वास्तविक, अमेरिका आणि रशिया या दोन्ही देशांशी भारताचे संबंध चांगले आहेत. भारताच्या जीडीपीच्या 40 टक्के परकीय चलन व्यापारातून येते. 1990 च्या दशकात हा आकडा सुमारे 15 टक्के होता. भारताचा बहुतांश व्यापार मध्यपूर्वेव्यतिरिक्त अमेरिका आणि पश्चिमेकडील मित्र देशांकडून केला जातो. भारत दरवर्षी पाश्चिमात्य देशांशी सुमारे $350-400 अब्ज व्यापार करतो. त्याच वेळी, रशिया आणि भारतामध्ये 10 ते 12 अब्ज डॉलर्सचा व्यापार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
