Egypt Road Accident Vehicles Collided Each Other in Behera 28 People Died: इजिप्तमधील बेहेरा येथे शनिवारी एक भीषण रस्ते अपघात झाला. रिपोर्टनुसार, बेहेरामध्ये रस्त्यावर एकाच वेळी अनेक वाहनांची धडक झाली.
या अपघातात 28 जणांचा मृत्यू झाला, तर 60 हून अधिक जण जखमी झाले. ही घटना बेहेरा प्रांतापासून 132 किलोमीटर दूर घडल्याचे सांगण्यात येत आहे. वृत्तानुसार, वाहने एकमेकांवर आदळल्यानंतर एका कारमधून पेट्रोल गळू लागले, त्यानंतर काही वाहनांना आग लागली.
दरम्यान, मृतांमध्ये एका भारतीय पर्यटकाचाही (Tourist) समावेश असल्याचे सूत्रांनी सांगितले. एका सुरक्षा अधिकाऱ्याने दिलेल्या माहितीनुसार, पर्यटकांना घेऊन जाणाऱ्या दोन बसची ट्रकला धडक बसली. ऐन सोखना रिसॉर्टकडे जाणाऱ्या रस्त्यावर हा अपघात झाला.
रुग्णालयातील सूत्रांनी सांगितले की, दोन मलेशियन महिला आणि एका भारतीय पुरुषासह तीन इजिप्शियन लोकांचा मृत्यू झाला असून 24 जण जखमी झाले आहेत. या अपघातानंतर काही तासांनी कापड कारखान्याच्या कामगारांना घेऊन जाणारी बस एका कारला धडकली.
स्टेट वृत्तपत्र अहरामने आपल्या वेबसाइटवर सांगितले की, हा जीवघेणा अपघात उत्तर इजिप्तमधील बंदर आणि दामिएटा शहरादरम्यानच्या रस्त्यावर झाला.
या अपघातात (Accident) कपड्याच्या कारखान्यात काम करणाऱ्या 22 महिला आणि पुरुषांचा मृत्यू झाला असून आठ जण जखमी झाल्याची माहिती आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
