चीनच्या शिनजियांग प्रदेशात भूकंपाचा धक्का

जपान हा भुकंप प्रवण क्षेत्रात येत असलेला देश आहे. याच क्षेत्रात येत असलेला चीन मात्र या भुकंप प्रवण क्षेत्रापासून काहीसा सुरक्षित असल्याचे चीत्र आहे. असे असले तरी चीनमध्ये ही भुकंपाचे धक्के बसल्याची माहिती समोर आली आहे. मिळालेल्या माहितीनुसार चीनच्या शिनजियांग उईगुर स्वायत्त प्रदेशात आज दुसऱ्यावेळा 5.2 रिश्टर स्केल तीव्रतेचा भूकंप झाला. ( Earthquake of magnitude 5 2 in xinjiang china second time )

चायना अर्थक्वेक नेटवर्क सेंटर नुसार भूकंपाचा केंद्रबिंदू 40.88 अंश उत्तर अक्षांश आणि 78.14 अंश पूर्व अक्षांशावर आढळून आला. या भूकंपाचा केंद्रबिंदू 10 किमी खोलीवर आहे, अशी माहिती वृत्तसंस्था शिन्हुआने सीईएनसीने दिली आहे. शनिवारी पहाटे 3.29 वाजता चीनच्या शिनजियांग भागात भूकंपाचा धक्का बसला.

भूकंपाची तीव्रता रिश्टर स्केलवर 4.3 इतकी नोंदवण्यात आली. याशिवाय, चायना अर्थक्वेक नेटवर्क सेंटर नुसार, नैऋत्य चीनच्या सिचुआन प्रांतातील आबा तिबेटो-कियांग स्वायत्त प्रीफेक्चरच्या मेरकांग शहरात शुक्रवारी सकाळी 00:03 वाजता 5.8-रिश्टर स्केलचा भूकंप झाला.

शहराच्या भूकंप मदत मुख्यालयाने याबाबत दिलेल्या माहितीनुसार, शहरात झालेल्या भूकंपामुळे चार जणांचा मृत्यू झाला असून 41 जण जखमी झाले आहेत. यापूर्वी, शहराच्या भूकंप मदत मुख्यालयाने सांगितले होते की, या भूकंपामुळे एकूण 13,081 लोक प्रभावित झाले होते, परंतु नवीन आकडेवारीनुसार ही संख्या लक्षणीय वाढली आहे.