Earthquake In Morocco: भूकंपामुळे मोरोक्कोमध्ये विध्वंस, सुमारे 300 हून अधिक लोकांचा मृत्यू तर शेकडो जखमी

Earthquake In Morocco: मोरोक्कोच्या माराकेशच्या दक्षिण-पश्चिम भागात शुक्रवारी (8 सप्टेंबर) रात्री भूकंपाचे धक्के जाणवले . या भूकंपाची तीव्रता रिळ्टल स्केलवर 6.8 होती. या भूकंपामुळे जवळपास ३०० लोकांचा मृत्यु झाला आहे तर शेकडो लोक जखमी झाले आहे अशी माहिती मोरोक्कोच्या गृह मंत्रालयाने माहिती दिली आहे.

हा भूकंप स्थानिक वेळेनुसार ११ च्या सुमारास झाला आहे.पण या भूकंपातील मृतांची संख्या वाढण्याची शक्यता आहे.

• पंतप्रधान मोदींनी व्यक्त केला शोक

मोरोक्कोमध्ये भूकंपामुळे मृत्युमुखी पडलेल्या लोकांप्रती मोदींनी शोक ट्विट करत शोक व्यक्त केला आहे. त्यांनी लिहिले की 'मोरोक्कोमध्ये भूकंपामुळे झालेल्या जीवितहानीमुळे अत्यंत दु:ख झाले आहे. या दुखा:त माझ्या प्रार्थना मोरोक्कोच्या लोकांसोबत आहे. ज्या लोकांना आपल्या प्रियजनांना गमावले आहे त्याच्याबद्दल शोक व्यक्त करतो. जखमी झालेले लोक लवकर बरे होवोत. या कठीण काळात भारत मोरोक्कोला सर्वतोपरी मदत करण्यास तयार आहे.'

मोरोक्कोच्या नागरिकांनी सोशल मिडियावर व्हिडिओ आणि फोटो शेअर केले आहे.यामध्ये इमारती कोसळल्यानंतर धुळीचे ढग तयार झालेले पाहायला मिळत आहे.