Donkey Population In Pakistan: पाकिस्तान सध्या गंभीर अशा आर्थिक संकटाचा सामना करत आहे. पाकिस्तानमध्ये व्यवसाय ठप्प झाले आहेत. कर्ज द्यायलाही कोणी तयार नाही. जीवनावश्यक वस्तूंसह सर्वच वस्तूंचे भाव गगनाला भिडले आहेत.
दरम्यान, पाकिस्तानसाठी एक आनंदाची बातमी आहे की, त्यांच्या देशात गाढवांची संख्या वाढली आहे. आम्ही असे म्हणत आहोत, कारण पाकिस्तानच्या अर्थव्यवस्थेत गाढवांचा मोठा वाटा आहे.
पाकिस्तानातून (Pakistan) चीनमध्ये मोठ्या प्रमाणात विक्री केली जाते. पीईएस 2022-23 च्या सर्वेक्षणात गाढवांच्या संख्येत 1 लाखांनी वाढ झाल्याचे दिसून आले आहे. पाकिस्तानात गाढवांची संख्या 57 लाखांवरुन 58 लाखांवर पोहोचली आहे.
मीडिया रिपोर्ट्सनुसार, पाकिस्तान आर्थिक सर्वेक्षण 2022-23 मधून असे समजले आहे की, पाकिस्तानमध्ये गाढवांची संख्या मोठ्याप्रमाणात वाढली आहे. गेल्या काही वर्षांपासून गाढवांच्या संख्येत सातत्याने वाढ होत आहे.
2019-20 मध्ये पाकिस्तानमध्ये गाढवांची संख्या 55 लाख होती, जी पुढच्या वर्षी म्हणजे 2020-21 मध्ये 56 लाखांपर्यंत वाढली आहे. पाकिस्तानच्या ढासळत्या अर्थव्यवस्थेत या गाढवांचाही महत्त्वाचा वाटा आहे, कारण पाकिस्तान या गाढवांची चीनला (China) निर्यात करतो.
विशेष म्हणजे, गाढवांच्या संख्येच्या बाबतीत पाकिस्तान जगात तिसऱ्या क्रमांकावर आहे. ज्या देशांमध्ये गाढवांची संख्या 50 लाखांपेक्षा जास्त आहे, त्या देशांमध्ये पाकिस्तानचा समावेश होतो. पाकिस्तान चीनला गाढवांची निर्यात करुन लाखो डॉलर कमावण्याचा विचार करत असल्याच्या बातम्याही पाकिस्तानी माध्यमांमध्ये येत आहेत. तसेच, गाढवांच्या संख्येच्या बाबतीत चीन पहिल्या क्रमांकावर आहे, कारण तो गाढवांचीही मोठ्या प्रमाणात आयात करतो.
जिलेटिनवर आधारित चिनी औषधे बनवण्यासाठी चीनमध्ये दरवर्षी मोठ्या संख्येने गाढवांना मारले जाते. गाढवापासून मिळणारे जिलेटिन औषध तयार करण्यासाठी वापरले जाते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.