गरोदर पत्नीला खांद्यावर घेऊन नवरा चालतो जळत्या कोळशावर

जगात असे अनेक देश आहेत, ज्यांच्या परंपरा लोकांना विचित्र आणि धक्कादायक वाटतात. इतर देशांतील लोक या समजुतींना फालतू मानतात, या परंपरेवर विश्वास ठेवणारी अनेकजण आहेत. अशीच एक विचित्र परंपरा चीनमध्ये आहे. चीनमध्ये पत्नी गर्भवती झाल्यानंतर पती जळत्या कोळशावर चालतो. (different culture of china)

चीनमध्ये विचित्र परंपरा (Tradition) पाळली जाते. ज्यावर जगभरातून टीका होत आहे. त्याचप्रमाणे, जेव्हा पती-पत्नी पालक बनणार असतात तेव्हा एक परंपरा येथे साजरी केली जाते. माहितीनुसार, जेव्हा पत्नी आई बनणार असते तेव्हा पतीने तिला पाठीवर घेऊन जळत्या कोळशावर अनवाणी चालायचे असते.

बायकोला उचलून पती कोळशावर का चालतात?

या परंपरेमागची श्रद्धाही फार विचित्र आहे. इथल्या लोकांचा असा विश्वास आहे की गरोदरपणाच्या 9 महिन्यांत बायकांचा मूड खूप बदलतो. त्यांची प्रकृतीही चांगली नसल्याने त्यांना अनेक गैरसोयींना सामोरे जावे लागत आहे. यानंतर त्यांना प्रसुती वेदनांचा त्रासही सहन करावा लागतो. अशा स्थितीत जेव्हा नवरा बायकोला खांद्यावर घेऊन कोळशावर चालतो तेव्हा त्याला दाखवायचे असते की तो गरोदरपणाच्या संपूर्ण प्रवासात पत्नीसोबत असतो.

काही लोक परंपरा मानत नाहीत

या परंपरेमागे हे देखील कारण आहे की लोक म्हणतात की, पतींनी असे केले तर त्यांची मुले निरोगी जन्माला येतात आणि पत्नीला देखील बाळंतपणाच्या वेदनाशी लढण्याची हिंमत मिळते. तसे, चीनचे (China) बरेच लोक या गोष्टी मानत नाहीत. कारण त्यांच्या शरीरातील बदल आणि अस्वस्थता यात या प्रथेमुळे कोणताही बदल होणार नाही.