Turkey Earthquake: तुर्कीच्या भूकंपात मृतांचा आकडा 50 हजारांवर जाऊ शकतो - संयुक्त राष्ट्रांच्या प्रमुखाने व्यक्त केली भीती

Turkey Earthquake: तुर्कस्तान आणि सीरियामध्ये झालेल्या भूकंपानं जगभरातील लोकांना हादरवून सोडले आहे. या भूकंपात आतापर्यंत 28 हजारांहून अधिक लोकांना आपला जीव गमवला आहे. इथे मदतकार्य अतिशय वेगानं सुरू असून मृतांच्या आकड्यात वाढ होताना दिसत आहे.

भूकंपामुळं तुर्की( Turkey ) आणि सीरियात शोककळेचं वातावरण निर्माण झाले आहे. अशातच आता संयुक्त राष्ट्रांचे प्रमुख मार्टिन ग्रिफिथ्स यांनी भीती व्यक्त केली आहे. या विनाशकारी भूकंपात 50 हजारांहून अधिक लोकांचा मृत्यू झाला असेल.

प्रत्यक्षात आम्ही मृतांचा आकडा मोजायला सुरुवात केलेली नाही. पण ज्या प्रकारे ढिगारा दिसत आहे, त्यावरून हा आकडा 50 हजारांच्या पुढं जाऊ शकतो.

सध्या आम्ही बचाव कार्य वेगात सुरु केलं असून लोकांची काळजी घेत आहोत,असंही मार्टिन ग्रिफिथ्स यांनी म्हटले आहे. भूकंपातील अधिकृत मृतांची संख्या तुर्कीमध्ये 24,617 आणि सीरियामध्ये 3,574 आहे. हजारो बचाव कर्मचारी ढिगाऱ्यांमध्ये वाचलेल्यांचा शोध घेत आहेत.