लॉकडाऊन आणि टेस्टिंग सुरू असूनही चीनमध्ये कोरोनाच्या रुग्णांमध्ये विक्रमी वाढ होत आहे. शांघाय या चीनमधील सर्वाधिक लोकसंख्येच्या शहरामध्ये परिस्थिती चिंताजनक आहे. तेथे गेल्या अनेक दिवसांपासून रोज सातत्याने 20 हजारांच्या आसपास रुग्ण समोर येत आहेत. (Coronavirus causes havoc in Shanghai China)
बुधवारी जाहीर झालेल्या आकडेवारीनुसार, शांघायमध्ये 19,660 प्रकरणे नोंदवली गेली आहेत. शांघायमध्ये वेगाने कोरोनाचे रुग्ण वाढत आहेत. शांघायमधील रुग्णालयांमध्ये (Hospital) एक हजाराहून अधिक लष्करी डॉक्टरांचीही नियुक्ती करण्यात आली आहे. चीनने ही रणनीती 2019 मध्ये वुहानसाठीही वापरली होती. 1 मार्चपासून शांघायमध्ये कोरोनाचे एकूण 114,000 रुग्ण आढळले आहेत. परिस्थिती नियंत्रणात आणण्यासाठी आतापर्यंत चीन सरकारकडून शांघायमध्ये तीन वेळा सामूहिक चाचणी करण्यात आली आहे. कोरोनाची (Coronavirus) साखळी तोडण्यासाठी सर्वतोपरी प्रयत्न केले जात आहेत. (China Corona News Updates)
दरम्यान, शांघायमध्ये कडक लॉकडाऊन (Lockdown) लागू करण्यात आला आहे, त्यामुळे अन्न पुरवठ्यावर परिणाम झाला आहे. सरकार लोकांना भाजी, मांस, तांदूळाचा पुरवठा करत आहे, असे अधिकाऱ्यांचे म्हणणे आहे. मात्र, अनेक लोक मदत मिळत नसल्याचे संगत आहेत. बाधित लोकांना त्यांच्या इच्छेविरुद्ध 'क्वारंटाईन सेंटर'मध्ये पाठवले जात असल्याचेही वृत्त आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
