चीन सरकारने केली आपल्याच पत्रकारांवर कारवाई...

The Chinese government took action against its own journalists
The Chinese government took action against its own journalists
Published on: 
Updated on: 

बिजींग: पूर्व लडाखमधील गलवान खोऱ्यात भारत आणि चीन यांच्यात सीमाविवाद निर्माण झाला होता. सीमाविवादाबाबत तोडगा काढण्य़ासाठी  भारत आणि चीन यांनी अनेक वेळा चर्चाही केल्या.अखेर गलवान खोऱ्यातून सैन्य माघार घेण्यावर दोन्ही देशामध्ये एकमत झाले, आणि सैन्य माघार घेण्यास सुरुवातही झाली. मात्र आता चीन सरकारला सैन्य माघार घेण्याबाबत अनेक प्रश्नांची उत्तरे द्यावी लागत आहेत.

गलवान खोऱ्यात भारतीय जवान आणि चीनच्या पिपल्स आर्मीमध्ये रक्तरंजित संघर्ष निर्माण झाला होता. यामध्ये भारताचे 20 जवान शहीद झाले होते, तर चीनने आपले किती सैनिक मारले गेले याची आकडेवारी खूप उशिरा दिली. या संघर्षामधील चीनच्या अधिकृत भूमिकेबद्दल प्रश्न उपस्थित करणाऱ्या तीन चीनी पत्रकारांविरोधात चीन सरकारकडून कारवाई करण्यात आल्याचे वृत्त आले आहे. चीन सरकारने पत्रकार शू झिमिंग यांना शनिवारी नानजिंगमधून अटक केली आहे.

गलवान खोऱ्य़ातील संघर्षात शहीद झालेल्या चीनच्या सैनिकांना शुक्रवारी चीनी लष्काराने सन्मान घोषीत केला. या पुरस्कारप्राप्त पाच सैनिकांपैकी चार सैनिकांचा मृत्यू झाला आहे, तर एक कंमाडर्स दर्जाचा अधिकारी या संघर्षात जखमी झाला होता. चीन सरकारकडून मृतांची संख्या जाहीर केल्यानंतर त्यावर चिनी पत्रकार शू झिमिंग यांनी प्रश्नचिन्ह उपस्थित केलं होते. भारताने गलवान खोऱ्यात झालेल्या संघर्षात आपले सैनिक शहिद झालेले लगेच मान्य केले होते. मात्र चीनला हीच गोष्ट मान्य करण्यासाठी इतका वेळ का लागला असा सवाल पत्रकार शू झिमिंग यांनी उपस्थित केला आहे. आणि याच कारणामुळे चीन सरकारने त्यांना अटक केली आहे. परंतु  त्यांच्याबद्दल अद्याप तरी कोणतीही माहीती मिळू शकलेली नाही. 

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.