Knife Attack in Chinas Kindergarten: चीनच्या आग्नेय ग्वांगडोंग प्रांतातील बालवाडीत तीन मुलांसह सहा जणांची चाकूने भोसकून हत्या करण्यात आली आहे.
पोलिसांनी सांगितले की त्यांनी लिआनजियांग शहरातील वू नावाच्या 25 वर्षीय व्यक्तीला अटक केली.
वृत्तसंस्था एएफपीने स्थानिक अधिकाऱ्याच्या हवाल्याने सांगितले की, इतर मृतांमध्ये एक शिक्षक आणि दोन पालक आहेत. तसेच एक जण जखमी झाला आहे.
वृत्तानुसार, सोमवारी स्थानिक वेळेनुसार सकाळी 7:40 वाजता हा हल्ला झाला.
पोलिसांनी हल्लेखोराला रात्री 8 वाजता अटक केली आणि हा 'पूर्वनियोजित हल्ला' असल्याचे म्हटले.
बालवाडीजवळ काम करणाऱ्या एका दुकान मालकाने सांगितले की, आजूबाजूचा परिसर सील करण्यात आला आहे.
चीनमध्ये असे गुन्हे तुलनेने दुर्मिळ आहेत, परंतु अलिकडच्या वर्षांत देशात चाकू हल्ला वाढला आहे, त्यापैकी अनेक शाळांमध्ये घडल्या आहेत.
गेल्या ऑगस्टमध्ये आग्नेय जिआंग्शी प्रांतातील एका बालवाडीवर चाकूचा धाक दाखवणाऱ्या हल्लेखोराने हल्ला केला होता. यामध्ये तीन जणांचा मृत्यू झाला असून सहा जण जखमी झाले होते.
एप्रिल 2021 मध्ये, बेलियू शहरात चाकूने सामूहिक हल्ला करताना दोन मुले ठार झाली तर 16 इतर जखमी झाले.
ऑक्टोबर 2018 मध्ये, दक्षिण-पश्चिम चीनमधील चोंगकिंग येथील बालवाडीत चाकू हल्ल्यात 14 मुले जखमी झाली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.