China has increased its defense budget by 7.2 percent, the highest in the last five years:
चीन आपले संरक्षण बजेट सातत्याने वाढवत आहे आणि यावर्षी चीनने आपल्या संरक्षण बजेटमध्ये गेल्या पाच वर्षांतील सर्वाधिक ७.२ टक्के वाढ केली आहे. या वाढीसह, चीनचे संरक्षण बजेट यावर्षी 1.67 ट्रिलियन युआन (231 अब्ज डॉलर्स) वर पोहोचले आहे.
चीनच्या अर्थ मंत्रालयाच्या वार्षिक अहवालाच्या आधारे मीडिया रिपोर्ट्समध्ये हा दावा करण्यात आला आहे. संरक्षण बजेटमध्ये अमेरिकेनंतर चीन दुसऱ्या क्रमांकावर आहे.
गेल्या काही वर्षांपासून भारत आणि चीन यांच्यात सीमेवर तणावाची परिस्थिती आहे आणि दोन्ही देशांचे सैनिक अनेकवेळा आमनेसामने आले आहेत.
मात्र, आपल्या लष्कराच्या आधुनिकीकरणाच्या बाबतीत चीन भारतापेक्षा खूप पुढे असल्याचे दिसून येत आहे. याचे कारण चीनचे प्रचंड संरक्षण बजेट आहे, जे भारताच्या संरक्षण बजेटच्या तिप्पट आहे.
2024 साठी भारताचे संरक्षण बजेट 6,21,541 कोटी रुपये आहे, जे अंदाजे 74.8 अब्ज डॉलर्स आहे. तर 2024 साठी चीनचे बजेट सुमारे 232 अब्ज डॉलर्स आहे, जे भारताच्या बजेटपेक्षा खूप जास्त आहे.
चीनच्या वाढत्या वर्चस्वामुळे अमेरिकाही चिंतेत आहे. मात्र, संरक्षण बजेटच्या बाबतीत अमेरिका अजूनही चीनपेक्षा खूप पुढे आहे.
गेल्या वर्षी अमेरिकेचे संरक्षण बजेट ८८६ अब्ज डॉलर होते. चीनचे वाढते आव्हान पाहता अमेरिका ऑस्ट्रेलिया आणि ब्रिटनच्या सैन्याला मजबूत करण्यात व्यस्त आहे. त्याचबरोबर अमेरिका भारतासोबत सामरिक सहकार्य वाढवत आहे.
दक्षिण चीन समुद्रात चीनचे फिलिपाइन्स आणि जपानसह अनेक देशांशी वाद सुरू आहेत. त्याचबरोबर सीमावादामुळे चीनचे भारतासोबतचे संबंधही वाईट टप्प्यातून जात आहेत. यामुळेच चीन सातत्याने आपल्या लष्कराचे आधुनिकीकरण करत आहे.
विशेषत: चीन आपल्या नौदलात मोठी गुंतवणूक करत आहे आणि आज चीनचे नौदल जहाजांच्या बाबतीत जगातील सर्वात मोठे नौदल आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.