Russia- Ukraine War: गेल्या अनेक महिन्यांपासून रशिया-युक्रेनमध्ये युद्ध सुरु आहे. सर्व जगभरातून हे युद्ध थांबण्यासाठी प्रयत्न केले जात आहे. या युद्धामुळे फक्त या दोन देशांनाच नाही तर तर संपूर्ण जगाला मोठ्या नुकसानाचा सामना करावा लागत आहे.
अमेरिका बऱ्याच वेळा या युद्धावर टिप्पणी करत असते. रशियाने हे युद्धा थांबवावे यासाठी इतर देशांनीही प्रयत्न करावा, असे आवाहन अमेरिकेकडून अनेकदा केले जाते.
आता अमेरिकेच्या परराष्ट्रमंत्री एंटनी ब्लिंकन यांनी चीन आपली हत्यारे पुरवून रशियाला मदत करणार असल्याचा विचार करत असल्याचा दावा केला आहे. कोणतीही मदत गंभीर समस्या निर्माण करु शकते अशी त्यांनी चीनला चेतावनी दिली आहे.
गोळ्या, बारुद ते घातक हत्यारांपर्यत चीन रशियाला मदत करण्याचा विचार करत असल्याची आम्हाला माहिती मिळाली आहे,असे एंटनी ब्लिंकन यांनी म्हटले आहे.
दरम्यान, याआधी रशियाने हे युद्ध थांबवावे यासाठी जागतिक पातळीवर रशियाबरोबरचा व्यापार कमी करण्यासाठी अमेरिके( USA )ने प्रयत्न केले होते. याबरोबरच, युक्रेन( Ukraine )च्या नागरिकांच्या खराब जीवनमानास रशिया कारणीभूत ठरेल, कारण युक्रेनमधील महत्वाच्या गोष्टी रशिया नष्ट करत आहे असे वक्तव्य अमेरिकेने केले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
