ब्रिटनचा रशियाला मोठा धक्का, सरकार समर्थित ब्रॉडकास्टरचा परवाना रद्द

Russia-Ukraine War: रशियन सैन्याने युक्रेनमध्ये भयंकर विध्वंस घडवून आणला आहे. दोन्ही बाजूंनी झालेल्या हल्ल्यात मोठ्या प्रमाणात जीवित आणि वित्तहानी झाली आहे. याच पाश्वभूमीवर ब्रिटनच्या (Britain) कम्युनिकेशन्स रेग्युलेटरने युक्रेन (Ukraine) युद्धाच्या कव्हरेजच्या चौकशीदरम्यान रशियाला पाठिंबा देत असलेल्या ब्रॉडकास्टर आरटीचा परवाना रद्द केला आहे. ऑफकॉमने (Ofcom) एका निवेदनात म्हटले की, 'आम्ही ANO TV नोवोस्ती यांना UK प्रसारण परवाना धारण करण्यासाठी योग्य मानत नाही.' (Britain revokes Russian government-backed broadcaster's license)

निष्पक्षतेने तपास करुन निर्णय घेतला

ऑफकॉमचे म्हणणे आहे की, 'रशियाकडून युक्रेनवर हल्ला करण्यात आला. याच पाश्वभूमीवर या हल्ल्यासंबंधीच्या RT च्या बातम्या आणि समकालीन बाबींच्या कव्हरेजच्या निःपक्षपाती तपासांनंतर शुक्रवारी हा निर्णय घेण्यात आला.' नियामकाचे म्हणणे आहे की, 'आम्ही असा निष्कर्ष काढला आहे की सध्याच्या परिस्थितीत RT एक जबाबदार प्रसारक असू शकते यावर आम्ही समाधानी नाही. म्हणून Ofcom ने RT चा प्रसारणाचा परवाना त्वरित रद्द केला आहे.'

रशिया आणि युक्रेनमध्ये युद्ध सुरु

रशियाने युक्रेनच्या राजधानीसह अनेक महत्त्वाची शहरे उद्ध्वस्त केली. रशियन सैन्याने युक्रेनमध्ये कहर केला आहे. मोठ्या इमारती, शाळा आणि रुग्णालयेही रशियन सैनिकांकडून लक्ष्य करण्यात येत आहेत. युक्रेनमधील अनेक शहरे उद्ध्वस्त झाली आहेत, परंतु युक्रेनचे सैनिक त्यांच्या लष्करी ताकदीनुसार रशियन हल्ल्याला प्रत्युत्तर देत आहेत.

युक्रेनचे राष्ट्राध्यक्ष व्होलोडिमिर झेलेन्स्की म्हणाले की, 'आता आपण पूर्वीपेक्षा वेगळे आहोत. आपला देश आता पूर्वीसारखा राहिला नाही.'