Liz Truss: 'मी अणुबॉम्बचं बटण दाबायला तयार', पंतप्रधानपदाच्या उमेदवाराचं वादग्रस्त वक्तव्य

Britain PM Election: ब्रिटनमध्ये सध्या पंतप्रधानपदाच्या निवडणुकीची जोरदार चर्चा सुरू आहे. भारतीय वंशाचे ऋषी सुनक आणि त्यांचे प्रतिस्पर्धी लिझ ट्रस रिंगणात आहेत. दोन्ही नेते बोरिस जॉन्सन ची जागा घेण्याच्या शर्यतीत आहेत. निवडणूक प्रचारात दोघेही मोठ मोठी भाषणे करत आहेत. दरम्यान, लिझ ट्रसने या भाषणांदरम्यान, एक मोठे वक्तव्य केल्याने त्या सध्या चर्चेत आहे. रशिया, युक्रेन आणि अणुबॉम्बमध्ये सुरू असलेल्या युद्धाबाबत लिझने हे वक्तव्य केले आहे.

खरं तर, ऋषी सुनक आणि लिझ ट्रस हे दोघेही स्वतःसाठी जोरदार प्रचार करत आहेत. या दरम्यान, लिझ ट्रस यांनी बर्मिंगहॅममधील एनईसी हेस्टिंग्ज कार्यक्रमात, 'गरज पडेल तेव्हा अणुबॉमचे बटण दाबायला तयार असेल मागे हटणार नाही,' असे कार्यक्रमाच्या सूत्रधाराने त्यांना आण्विक युद्धाशी संबंधित निर्णयाबाबत प्रश्न विचारला असता त्यांनी हे सांगितले. पंतप्रधान झाल्यास अणुयुद्ध करण्यास तयार असेल, भावनिक निर्णय न घेता प्रॅक्टिकली विचार करून आण्विक हल्ल्याचा आदेश देईल. मात्र, हा पर्याय नसून पंतप्रधानांचे कर्तव्य असेल, मी यासाठी नेहमीच तयार राहीन असे लिझ यांनी सांगितले.

रशिया-युक्रेन युद्ध सुरू असतांना लिझ यांनी हे वक्तव्य करून रशिया अध्यक्ष पुतीनवर निशआना साधना आहे. यापूर्वीही ट्रस यांनी पुतिन यांच्या विरोधात उभे राहण्याचा मानस व्यक्त केला होता. फेब्रुवारीमध्ये युक्रेनवर झालेल्या हल्ल्यानंतर ब्रिटनचे अणुबॉम्ब हाय अलर्टवर असल्याचेही सांगण्यात आले.

ब्रिटनच्या पंतप्रधानपदाच्या निवडणुकीत लिझ ट्रस आणि ऋषी सुनक यांच्यात चुरशीची स्पर्धा आहे. मात्र, लिझ पंतप्रधानपदाच्या शर्यतीत आघाडीवर आहे, असे सर्वेक्षणातून दिसून आले आहे. दुसरीकडे ऋषी सुनक यांनी आपल्या निवडणूक प्रचारात मी शेवटच्या दिवसापर्यंत प्रत्येक मतासाठी लढत राहणार असल्याचे सांगितले. निवडणूक प्रचारादरम्यान गेल्या 30 दिवसांत सुनक यांनी 16000 पक्ष सदस्यांपर्यंत पोहोचण्यासाठी 100 कार्यक्रम केले आहेत.