Brain Eating Amoeba: दोन वर्षांचा चिमुरडा मेंदू खाणाऱ्या अमीबाचा बळी; आईच्या भावनिक पोस्ट ने सर्वत्र हळहळ

Brain Eating Amoeba: अमेरिकेतील नेवाडा येथे पोहताना मेंदू खाणाऱ्या अमिबाने चावा घेतल्याने एका 2 वर्षाच्या मुलाचा मृत्यू झाला आहे.

वूड्रो टर्नर बंडी या दोन वर्षांच्या मुलाचा 19 जुलै रोजी 'ब्रेन इटिंग अमिबा' म्हणून ओळखल्या जाणार्‍या नेग्लेरिया फॉउलरीच्या संसर्गामुळे मृत्यू झाला.

आईची सोशल मीडियावर पोस्ट

मुलाची आई ब्रायना हिने सोशल मीडियावर पोस्ट शेअर करून याबाबत माहिती दिली आहे.

तिने लिहिले की "वुड्रो टर्नर बंडी पहाटे 2.56 वाजता स्वर्गात परतला. त्याने सात दिवस जगण्यासाठी जीवाची बाजी लावली. ब्रायना म्हणाली मला माहित आहे की, तो जगातील सर्वात उत्तम मुलगा होता. मला माहित आहे की एक दिवस माझे मूल मला स्वर्गात भेटेल.

संपूर्ण प्रकरण

सोशल मीडिया पोस्टनुसार, मुलाच्या पालकांना त्यांच्या मुलामध्ये फ्लू सारखी लक्षणे दिसली. आई ब्रियाना ताबडतोब मुलाला रुग्णालयात घेऊन गेली, जिथे डॉक्टरांनी त्याला मेंदुज्वर झाल्याचे निदान केले.

नंतर त्यांना कळले की त्यात मेंदू खाणारा अमिबा आहे. या वर्षी फेब्रुवारीमध्ये एका 50 वर्षीय व्यक्तीचा मृत्यू झाल्यानंतर अमेरिकेत अमिबाबाबत पहिले प्रकरण समोर आले होते.

रोग नियंत्रण आणि प्रतिबंध केंद्र (CDC) नुसार, बहुतेक रुग्णांसाठी संसर्ग जवळजवळ जीवघेणा ठरतो. ज्या लोकांना संसर्ग होतो त्यांना प्राइमरी अमेबिक मेनिंगोएन्सेफलायटीस नावाचा आजार होतो.

डोकेदुखी, ताप, मळमळ, उलट्या, दिशाभूल, ताठ मान, संतुलन गमावणे, फेफरे भ्रम यांचा समावेश होतो.