जग कोरोना महामारीच्या धोकादायक टप्प्यावर, बिल गेट्स यांचा इशारा

मायक्रोसॉफ्टचे सह-संस्थापक बिल गेट्स (Bill Gates co-founder of Microsoft) यांनी लोकांना आजारी पडू नये म्हणून लवकरात लवकर लसीकरण करण्याचे आवाहन केले आहे. त्यांनी लोकांना सावध केले की, ओमिक्रॉनच्या प्रकरणांमध्ये वाढ "साथीचा रोग (Epidemic) सर्वांत वाईट आहे" म्हणून उदयास येऊ शकतो.

वर्ल्ड हेल्थ ऑर्गनायझेशन (WHO) च्या म्हणण्यानुसार, कोरोनाव्हायरसचे ओमिक्रॉन प्रकार डेल्टा पेक्षा वेगाने पसरत आहेत आणि ज्यांना आधीच लसीकरण केले गेले आहे किंवा जे कोविड -19 मधून बरे झाले आहेत अशा लोकांमध्ये संसर्ग होत आहे.

बिल गेट्स (Bill Gates) म्हणाले की, 'मला माहित आहे कोविडच्या आणखी एका वाढत्या धोक्यामुळे सुट्टीचा हंगाम निराशाजनक आहे. पण नेहमीच असे होणार नाही. एखाद्या दिवशी महामारी संपेल आणि आपण एकमेकांची अधिक चांगली काळजी घेऊ. ती वेळ लवकरच येईल.’

जगातील सर्वात श्रीमंत व्यक्तींपैकी एक असलेल्या गेट्स यांनी ट्विट केले की, ‘जीवन पूर्वपदावर येणार आहे असे वाटताच आता आपण जागतिक महामारीच्या वाईट टप्प्यात प्रवेश करत आहोत. (Omicron) आपल्या सर्वांना प्रभावित करेल. माझ्या जवळच्या मित्रांना संसर्ग झाला आहे आणि मी माझ्या सुट्टीतील काही योजना देखील रद्द केल्या आहेत.

गेट्सची संस्था (Bill & Melinda Gates Foundation) कोविड-19 लस विकसित आणि वितरित करण्याच्या प्रयत्नांचा एक भाग आहे. ते म्हणाले की बूस्टर डोस घेतल्याने सर्वोत्तम संरक्षण मिळते.

गेट्स यांनी ट्विट केले, 'ओमिक्रॉन तुम्हाला किती आजारपणा मध्ये पाडु शकते हे सर्वात मोठे अज्ञात आहे. आम्हाला त्याबद्दल अधिक माहिती होईपर्यंत हे गांभीर्याने घ्यावे लागणार आहे. डेल्टा व्हेरियंटच्या तुलनेत ते निम्मे भयावह असले तरी, आम्हाला सर्वात वाईट वाढ दिसू शकते कारण ती खूप संसर्गजन्य आहे.

यूएसमध्ये ओमिक्रॉन व्हेरिएंटच्या प्रकरणांमध्ये वाढ होत असताना बिल गेट्सने जगाला इशारा दिला आहे. गेट्स यांनी त्यांच्या आणखी एका ट्विटमध्ये म्हटले आहे की, 'ओमिक्रॉन इतिहासातील कोणत्याही व्हायरसपेक्षा वेगाने पसरत आहे.

हे लवकरच जगातील प्रत्येक देशात घडेल.’ यावेळी कोविडची खबरदारी किती महत्त्वाची आहे यावर भर देत गेट्स यांनी ‘मास्क घालणे, घरातील संमेलन टाळणे आणि लसीकरण करणे’ असे आवाहन केले आहे.