Attack on Hindu temples again in California, third incident in a month:
खलिस्तानी समर्थकांनी पुन्हा एकदा अमेरिकेतील एका हिंदू मंदिराला लक्ष्य केले आहे. मिळालेल्या माहितीनुसार, अमेरिकेतील कॅलिफोर्नियाच्या आखाती प्रदेशात एकापाठोपाठ एक तीन हिंदू मंदिरांना लक्ष्य करण्यात आल्यानंतर समाजातील लोक हादरले आहेत.
हिंदू अमेरिकन फाउंडेशनने नुकतेच एका 'एक्स' पोस्टमध्ये म्हटले आहे की, हेवर्डमधील शेरावली मंदिराला भारतविरोधी आणि खलिस्तान समर्थकांनी लक्ष्य केले आहे.
कॅलिफोर्नियातील शेरावली मंदिराच्या भिंतींवर खलिस्तानच्या समर्थनार्थ नारे लिहिण्यात आले होते. यापूर्वी गेल्या वर्षी 23 डिसेंबर रोजी नेवार्कमधील श्री स्वामीनारायण मंदिराला खलिस्तान समर्थकांनी लक्ष्य केले होते आणि त्याच्या भिंतीवर भारतविरोधी नारे लिहिण्यात आले होते, त्याच भागातील शिव दुर्गा मंदिरातही चोरीची घटना घडली होती.
अल्मेडा पोलीस विभाग आणि नागरी हक्क विभागाला या घटनेबाबत कळवले आहे, असे मंदिर प्रशासनाने म्हटले आहे. त्यांनी एका पोस्टमध्ये असेही म्हटले आहे की, आम्ही पुन्हा एकदा सर्व मंदिर नेत्यांना हिंदू अमेरिकन टेंपल सेफ्टी गाइड डाउनलोड करण्यासाठी प्रोत्साहित करत आहोत.
विशेषत: मंदिराच्या आवारात किंवा भिंतींवर लिहिलेल्या घोषणा हे द्वेषपूर्ण गुन्ह्याचे स्वरूप आहे. वाढत्या धोक्याच्या पार्श्वभूमीवर कार्यरत सुरक्षा कॅमेरे आणि अलार्म सिस्टम स्थापित करण्याच्या महत्त्वावरही चर्चा करण्यात आली आहे.
या पोस्टमध्ये पुढे म्हटले आहे की, खलिस्तान समर्थकांकडून तसेच इतर हिंदूविरोधी लोकांकडून मंदिरांना धोका आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.