Turkey-Syria Earthquake: आणखी एक चमत्कार! भूकंपाच्या तब्बल 13 दिवसानंतर ते जिवंत सापडले

Turkey-Syria Earthquake: तुर्की आणि सीरीयाच्या भूकंपात मोठी जीवीतहानी झाली आहे.मिळालेल्या माहितीनुसार, मृतांचा आकडा 45000 वर गेला आहे. जगभरातून सीरीया आणि तुर्कीला मदत केली जात आहे. भूकंपाच्या ठिकणी बचावकार्य वेगाने सुरु असून इमारतींखाली दबलेल्या लोकांना वाचवण्याचे काम सुरु आहे.

आता 296 तास इमारतींच्या ढीगाऱ्यांखाली दबलेल्या 3 व्यक्तींना बचावपथकाला यश मिळाले आहे. हा एक चमत्कार असल्याचे मत सगळीकडून व्यक्त करण्यात येत आहे. हे तीन व्यक्ती इमारतींच्या खाली अन्न-पाण्याशिवाय 13 दिवस अडकले होते. आता त्यांना वाचवण्यात आल्यानं आनंद व्यक्त केला जात आहे.

दरम्यान, याआधी भूकंपाच्या 10 व्या दिवशी एक महिला आणि दोन मुलांना वाचवण्यात आले होते. भूकंपातून वाचवलेल्या अनेक माणसांच्या आणि प्राण्यांच्यादेखील भावनिक फोटो यापुर्वी समोर आले होते. तुर्की ( Turkey )तील भूकंपाच्या तब्बल तेरा दिवसानंतर या तीन व्यक्तींचे वाचणे हे चमत्कारापेक्षा कमी नाही असे मत व्यक्त केले जात आहे.