दहशतवाद्यांकडून UN च्या पाच कर्मचाऱ्यांचे अपहरण

दक्षिण येमेनमध्ये अल कायदाच्या (Al Qaeda) दहशतवाद्यांनी संयुक्त राष्ट्रांच्या पाच कर्मचाऱ्यांचे अपहरण केले आहे. येमेनच्या अधिकाऱ्यांनी शनिवारी ही माहिती दिली. अधिकाऱ्यांनी सांगितले की, कर्मचाऱ्यांचे अपहरण करुन शुक्रवारी रात्री उशिरा दक्षिणेकडील अब्यान प्रांतातील अज्ञात ठिकाणी नेण्यात आले. त्यांनी पुढे सांगितले की, यामध्ये चार येमेनी आणि एक परदेशी नागरिक आहे. त्यांच्या सुरक्षित सुटकेसाठी प्रयत्न सुरु करण्यात आले आहेत. (Al Qaeda Terrorists Kidnap Five UN Staff Members In Yemen)

अपहरणाबद्दल विचारलेल्या प्रश्नाला उत्तर देताना, संयुक्त राष्ट्राचे प्रवक्ते स्टीफन दुजारिक म्हणाले, "आम्हाला या प्रकरणाची माहिती आहे, परंतु काही कारणास्तव आम्ही यावर भाष्य करु इच्छिक नाही." त्याच वेळी, देशातील नेत्यांनी सांगितले की, कर्मचार्‍यांच्या सुटकेसाठी आम्ही अपहरणकर्त्यांशी वार्तालाप करत आहोत. अपहरणकर्त्यांनी खंडणीची मागणी केली असून आंतरराष्ट्रीय मान्यताप्राप्त सरकारने तुरुंगात डांबलेल्या काही दहशतवाद्यांची सुटका केली आहे.

सशस्त्र लोकांनी अपहरण केले

येमेन सरकारने पुष्टी केली की, UN सुरक्षा आणि संरक्षण विभागाच्या कर्मचाऱ्यांचे अज्ञात सशस्त्र लोकांनी अपहरण केले आहे. येमेनमध्ये हुथी बंडखोरांनी दहशत केली आहे. हुथींनी देशाच्या अनेक भागांवर कब्जा केला आहे. त्यामुळे इतर अनेक दहशतवादी संघटनांनीही या भागात पाय पसरण्यास सुरुवात केली आहे. ते लोकांचे अपहरण करुन दहशतीचे वातावरण निर्माण करत आहेत.

सौदी अरेबिया 2015 पासून हौथींशी लढत आहे

येमेनमधील सौदीच्या नेतृत्वाखालील सैन्य गठबंधन 2015 पासून इराण (Iran) समर्थक हुथी बंडखोरांशी लढा देत आहे. या सैन्य संघटनाने 2015 मध्ये येमेनमध्ये सुरु असलेल्या युद्धात हस्तक्षेप केला होता. त्यानंतर हुथींनी येमेनची (Yemen) राजधानी असलेल्या साना ताब्यात घेऊन सरकारला सत्तेवरुन हटवले होते. या युद्धात हजारो लोकांचा मृत्यू झाला असून लाखो लोकांना आपली घरे सोडावी लागली आहेत. यामुळे येमेनमध्ये मोठी मानवतावादी आपत्ती निर्माण झाली आहे. लोकांकडे ना खायला अन्न मिळत आहे ना रोजगार. त्यांना इतर देशांमध्ये आश्रय घ्यावा लागत आहे.