Elon Musk Meeting With PM Modi: पीएम मोदींना भेटल्यानंतरच एलन मस्क यांच्या संपत्तीत मोठी वाढ झाली. मस्क यांनी मोदींसोबतच्या भेटीत भारतात येण्याबाबत सांगितले होते, ज्याचा मस्क यांना खूप मोठा फायदा झाला. टेस्लाच्या शेअर्समध्ये तेजी पाहायला मिळाली. मस्क यांच्या शेअर्समध्ये वाढ झाल्यामुळे कंपनीचे मार्केट कॅप सुमारे $10 अब्जने वाढले आहे.
दरम्यान, 21 जून 2023 रोजी जाहीर झालेल्या आकडेवारीनुसार, एलन मस्क (Elon Musk) यांची संपत्ती $243 अब्ज घोषित करण्यात आली आहे. गेल्या एका वर्षात मस्क यांनी $106 बिलियन कमावले आहेत.
मस्क म्हणाले की, 'मी मोदींचा फॅन आहे. ही एक छान भेट होती आणि मला ते खूप आवडतात. मी म्हणू शकतो की त्यांना (पीएम मोदी) खरोखरच भारतासाठी काही गोष्टी करायच्या आहेत. विशेष म्हणजे, त्यांना नवीन गुंतवणूकदारांना (Investors) पाठिंबा द्यायचा आहे, जेणेकरुन यामधून भारताचे हित साधले जाईल. पुढच्या वर्षी मी भारताला भेट देण्याचा विचार करत आहे.'
काही दिवसांपूर्वी मस्क चीनच्या दौऱ्यावरही गेले होते, तिथे चीनी लोकांनी त्यांच्यावर स्तुतीसुमनांची उधळण केली होती. चीन दौऱ्यात त्यांनी अनेक सरकारी अधिकाऱ्यांशी चर्चा केली होती. आता चीनमध्येही त्यांचा व्यवसाय वाढवण्याची त्यांची योजना आहे.
एलन मस्क भारतात आल्याने ते भारतातही आपला व्यवसाय वाढवतील हे निश्चित झाले आहे. यापूर्वी केंद्रीय मंत्री नितीन गडकरी यांनीही याबाबत माहिती दिली आहे. मस्क यांना त्यांची टेस्ला भारतात आणायची असेल तर त्यांना भारतात इलेक्ट्रिक वाहनांची निर्मिती करावी लागेल, असे केंद्रीय मंत्री नितीन गडकरी यांनी म्हटले आहे. यामध्ये त्यांना कोणतीही अडचण नाही, परंतु कंपनीने चीनमधून कार आयात करु नये.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.