अफगाणिस्तानची भूमी इतर देशांवरील हल्ल्यांसाठी वापरु देणार नाही: तालिबान

Afghanistan: अफगाणिस्तानमध्ये सत्तेवर असलेल्या तालिबानच्या सर्वोच्च नेत्याने मोठी घोषणा केली आहे. मुल्ला हैबतुल्ला अखुंदजादा यांनी म्हटले की, 'अफगाणिस्तानची भूमी इतर देशांवरील हल्ल्यांसाठी वापरु देणार नाही.' त्याचबरोबर त्यांनी जागतिक समुदायाला अफगाणिस्तानच्या अंतर्गत बाबींमध्ये ढवळाढवळ न करण्याचे आवाहनही केले आहे.

दरम्यान, गेल्या वर्षी तालिबान सत्तेवर आल्यानंतर अफगाणिस्तानातील (Afghanistan) अतिरेकी गटांद्वारे दहशतवादी कारवायांमध्ये वाढ होण्याच्या भीतीवर भारत आणि जगातील इतर अनेक देशांनी चिंता व्यक्त केली होती.

तालिबानने अमेरिकेसोबत केलेल्या कराराचे पालन करावे

तालिबानने (Taliban) सांगितले की, '2020 मध्ये अमेरिकेसोबत झालेल्या कराराचे पालन आम्ही करत आहोत, ज्यामध्ये आम्ही दहशतवाद्यांशी लढण्याचे आश्वासन दिले आहे. गेल्या वर्षी तालिबानने अफगाणिस्तानचा ताबा घेतल्यापासून वारंवार सांगितले आहे की, 'अफगाणिस्तानची भूमी इतर देशांवरील हल्ल्यांसाठी वापरु देणार नाही.'

आम्हाला जगातील देशांशी चांगले संबंध हवे आहेत - तालिबान

"जगाला आम्ही आश्वासन देतो की, अफगाणिस्तानच्या भूमीचा वापर इतर कोणत्याही देशावर हल्ला करण्यासाठी होऊ देणार नाही," असे अखुंदजादा यांनी ईद-उल-अधाच्या सुट्ट्यांच्या आधी केलेल्या भाषणात म्हटले होते. अल-अधा, गुरु अखुंदजादा पुढे म्हणाले, "आम्ही युनायटेड स्टेट्ससह जगाशी चांगले राजनैतिक, आर्थिक आणि राजकीय संबंध, परस्पर कनेक्टिव्हिटीची आपेक्षा करतो. आमचा विश्वास आहे की हे सर्व पक्षांच्या हिताचे आहे."

भारताने तालिबान राजवटीला मान्यता दिलेली नाही

अफगाणिस्तानचे भारतातील राजदूत फरीद मामुंदजे यांनी गेल्या महिन्यात सांगितले की, तालिबान सत्तेवर आल्यापासून देशभरात दहशतवादी कारवायांमध्ये लक्षणीय वाढ झाली आहे. अश्रफ घनी सरकारने मामुंदजे यांची भारतातील अफगाणिस्तानचे राजदूत म्हणून नियुक्ती केली होती. त्याच वेळी, भारताने यापुढे अफगाणिस्तानमधील नवीन राजवटीला मान्यता दिलेली नाही. दुसरीकडे, भारताचे म्हणणे आहे की, 'अफगाणिस्तानमध्ये आम्हाला खऱ्या अर्थाने सर्वसमावेशक सरकारची अपेक्षा आहे.' त्याचबरोबर अफगाणिस्तानच्या भूमीचा वापर इतर कोणत्याही देशाविरुद्धच्या दहशतवादी कारवायांसाठी केला जाऊ नये, असेही भारताचे म्हणणे आहे.