Iran Protest: हिजाब आंदोलनाच्या समर्थनार्थ बॉलीवूड अभिनेत्री झाली विवस्त्र, शेअर केला व्हिडिओ

इराणमध्ये मेहसा अमिनीच्या मृत्यूनंतर हिजाबविरोधात जोरदार विरोध सुरू आहे. हा विरोध आता सोशल मिडीयावरही दिसून येत आहे. जगभरातील मोठमोठी व्यक्ती या आंदोलनाला एक ना एक प्रकारे पाठिंबा देत आहेत. याअंतर्गत 'सेक्रेड गेम्स' वेब सीरिजमध्ये दिसलेली अभिनेत्री एलनाज नोरोजी हिनेही (Elnaaz Norouzi) या आंदोलनाच्या समर्थनार्थ तिच्या इंस्टाग्रामवर एक व्हिडिओ शेअर केला आहे. 

या व्हिडिओमध्ये (Video) एलनाज तिचा हिजाब (Hijab) उतरवताना दिसत आहे. यानंतर ती अचानक सर्व कपडे काढू लागते. या व्हिडीओच्या कॅप्शनमध्ये तिने लिहिले की, 'प्रत्येक स्त्रीला, जगात कुठेही, ती कुठलीही असो, तिला हवे ते, केव्हा आणि कुठेही घालण्याचा अधिकार असावा. कोणालाही त्याचा न्याय करण्याचा किंवा तिला इतर कपडे घालण्यास सांगण्याचा अधिकार नाही.

न्यूडिटीला प्रोत्साहन नाही

तिने पुढे लिहिले की प्रत्येकाची मते आणि श्रद्धा भिन्न आहेत आणि त्यांचा आदर केला पाहिजे. लोकशाही म्हणजे निर्णय घेण्याची शक्ती. प्रत्येक स्त्रीला स्वतःच्या शरीरावर निर्णय घेण्याची शक्ती असली पाहिजे. यानंतर तिने लिहिले की ती नग्नतेला प्रोत्साहन देत नाही, ती निवड स्वातंत्र्याचा प्रचार करत आहे. 

कपड्यांसाठी केली  होती अटक

इराणमध्ये (Iran) सुरु असलेल्या निदर्शनेदरम्यान एलनाज नौरोजी हिने धक्कादायक खुलासा केला आहे. तिने एक व्हिडिओ शेअर करून सांगितले की, एकदा पोलिसांनी तिलाही अटक केली होती. ते म्हणाले की ती तिच्या चुलत भावासोबत कुठेतरी बाहेर गेली होती. तिने घट्ट पँट घातली होती. याप्रकरणी तिला अटक करण्यात आली होती, जेव्हा कोणी तिच्यासाठी सैल कपडे घेऊन आले होते, तेव्हा तिला पोलिसांनी सोडले होते.

एलनाज नौरोजी इराणमधील आहेत. परंतु ती भारतात (India) अभिनेत्री आणि मॉडेल म्हणून काम करते. त्याचे कुटुंब इराणमध्ये राहते. इराणमध्ये हिजाब आंदोलनाच्या समर्थनात दिवसेंदिवस वाढ होत आहे.