A 250 kg bomb from World War II was found in Lublin, Poland:
पोलंडच्या लुब्लिन शहरात दुसऱ्या महायुद्धातील बॉम्ब सापडला आहे. यानंतर, शहरातील सुमारे 14,000 लोकांना तात्पुरती घरे सोडण्याचे आदेश देण्यात आले आहेत.
लोकांना शाळा आणि इतर इमारतींमध्ये हलवण्यात आले. तसेच, त्यांना घरातील सर्व विद्युत उपकरणे, पाणी आणि गॅस बंद करण्यास सांगितले होते.
बांधकामाच्या ठिकाणी सापडलेल्या या बॉम्बचे वजन 250 किलो आहे. यानंतर बॉम्ब शोधक पथकाने बॉम्ब काढून निकामी केला.
बॉम्ब निकामी केल्यानंतर लोकांना घरी परतण्याची परवानगी देण्यात आली. दुसऱ्या महायुद्धातील बॉम्ब पोलंडमध्ये यापूर्वीही अनेकदा सापडले आहेत.
काही दिवसांपूर्वी जर्मनीतील डसेलडॉर्फ शहरात 500 किलो वजनाचा बॉम्ब सापडला होता. बॉम्ब सापडल्यानंतर 13,000 लोकांना तात्पुरते शाळांमध्ये हलवण्यात आले.
नवीन बांधकामासाठी निवासी भागात खाणकाम करताना जमिनीत पुरलेला 250-किलोग्राम वजनाचा बॉम्ब सापडला.
दुसर्‍या महायुद्धापूर्वी तेथे पोलिश विमानाचा कारखाना आणि विमानतळ होते जे युद्धकाळात नष्ट झाले असल्याची शक्यता आहे.
मागील महिन्यातही शाळेच्या नूतनीकरणादरम्यान काही तोफगोळे सापडले होते. गेल्या वर्षी पोलंडची राजधानी वॉर्सा (Warsaw) येथे 500 किलो वजनाचा बॉम्ब सापडला होता, त्यानंतर 30,000 लोकांना तात्पुरती घरे सोडावी लागली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.