तालिबानने अफगाणिस्तानवर (Afghanistan Crisis) ताबा मिळवल्यानंतर मोठ्या संख्येने लोक देश सोडण्यासाठी धडपड करता आहेत. या प्रयत्नात, मोठ्या संख्येने लोक काबुल (Kabul) आंतरराष्ट्रीय विमानतळावर जमा झाले आहेत. विमानतळाजवळ आज रविवारी अफगाण नागरिकांमध्ये मोठी चेंगराचेंगरी झाली, या घटनेत सात अफगाणींचा मृत्यू झाला. काबूल विमानतळाजवळ झालेल्या गोंधळात सात अफगाण नागरिकांचा मृत्यू झाल्याच्या वृत्ताला ब्रिटिश संरक्षण मंत्रालयाने दुजोरा दिला आहे.
मागच्या कित्येक तासांपासून काबुल विमातळावर वातावर तापले असून नागरिकांमध्ये भीतीचे वातावरण निर्माण झाले आहे. एकिकडे तालिबानी नेते आपण हिंसा करणार नसल्याचे सांगत असताना दुसरीकडे तालिबानचे लोक दहशत निर्माण करताना दिसता आहेत. याच सर्व वातावरणात आज काबुलच्या हमीद करझई आंतरराष्ट्रीय विमानतळावर तालिबान्यांनी गोळीबार केला.
गोळीबाराच्या भीतीने घाबरलेल्या लोकांचा जमाव बिथरला आणि मोठी चेंगराचेंगरी झाली. या चेंगराचेंगरीमध्ये आता पर्यंत 8 लोकांचा मृत्यू झाल्याचे समजते आहे. या घटनेता 40 लोक जखमी झाले असल्याचे समजते आहे.
आर्थिक संकट सुद्धा वाढलं
अफगाणिस्तानवर (Afghanistan) तालिबानने (Taliban) कब्जा केल्यानंतर सामान्य अफगाणी नागरिकांच्या समस्या सातत्याने वाढताने दिसता आहेत. जिवीताच्या सुरक्षेमूळे लोक देश सोडण्याची तयारी करत असून लवकरात लवकर देशाबाहेर पडण्यासाठी ते काबूल विमानतळावर रांगा लावून उभे आहेत. त्यातच आता बँकिंग सेवा बंद झाल्याने स्थानिक नागरिकांना मोठ्या समस्यांना सामोरे जावे लागते आहे. तालिबानच्या ताब्यात गेल्यानंतर अफगाणिस्तानची राजधानी काबुलमध्ये वस्तूंच्या किमतीत मोठी वाढ तसेच बँकिंग सेवा स्थगित झाल्याने नागरिकांना मोठ्या समस्यांना तोंड द्यावे लागते आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.