3 US soldiers have been killed in a drone strike near the Syrian border in Jordan. Many Soldoers have also been injured in this attack:
इस्रायल आणि हमास यांच्यात सुरू असलेले युद्ध आता संपूर्ण मध्यपूर्वेत पसरण्याची शक्यता आहे. सध्या अमेरिका लाल समुद्राजवळ हौथी बंडखोरांचे तळ नष्ट करत आहे. तर, आता जॉर्डनमधील सीरिया सीमेजवळ ड्रोन हल्ल्यात 3 अमेरिकन सैनिकांचा मृत्यू झाला आहे. या हल्ल्यात अनेकजण जखमीही झाले आहेत.
या हल्ल्यासाठी इराण समर्थित दहशतवादी गटांना जबाबदार धरले जात आहे. अशा स्थितीत अमेरिका या भागात मोठी लष्करी कारवाई करू शकते, अशी भीती व्यक्त केली जात आहे.
या घटनेबाबत व्हाईट हाऊसकडून एक निवेदन जारी करण्यात आले आहे. ते म्हणाले की, काल रात्री सीरिया सीमेजवळ ईशान्य जॉर्डनमध्ये तैनात असलेल्या आमच्या सैन्यावर मानवरहित हवाई ड्रोन हल्ला झाला.
या हल्ल्यात अमेरिकेचे ३ सैनिक मारले गेले तर अनेक जण जखमी झाले. या हल्ल्याबाबत आम्ही अद्याप तथ्ये गोळा करत आहोत, असे अमेरिकन अधिकाऱ्यांचे म्हणणे आहे. आम्हाला माहित आहे की , हे सीरिया आणि इराकमध्ये कार्यरत असलेल्या कट्टरपंथी इराण समर्थित दहशतवादी गटांनी हे कृत्य केले आहे.
दहशतवादाशी लढण्यासाठी आम्ही आमच्या शहीद जवानांची वचनबद्धता पुढे नेऊ, असे अमेरिकेने म्हटले आहे. आम्ही या घटनेसाठी जबाबदार असलेल्या सर्वांना एका वेळी आणि आम्हाला योग्य वाटेल त्या पद्धतीने शिक्षा करू यात शंका नाही. दहशतवादाविरुद्धच्या लढाईत आम्ही उभे आहोत. ही लढाई आम्ही थांबवणार नाही.
अमेरिकन मीडिया रिपोर्ट्सनुसार, गेल्या काही महिन्यांत इराक-सीरियातील अमेरिकन आणि सहयोगी देशांच्या लष्करी तळांवर कमी-अधिक प्रमाणात 158 हल्ले करण्यात आले आहेत. या हल्ल्यांमध्ये क्षेपणास्त्र, रॉकेट आणि ड्रोनचा वापर करण्यात आला आहे. या हल्ल्यात मोठ्या प्रमाणात अमेरिकन सैनिक जखमी झाले असून लष्करी तळांचेही मोठे नुकसान झाले आहे.
जॉर्डनमधील अमेरिकन लष्करी तळावर हल्ला होण्याची ही पहिलीच वेळ आहे. 17 ऑक्टोबरपासून अमेरिका आणि सहयोगी सैन्याने इराण समर्थित गटांविरोधात आघाडी उघडली आहे.
अमेरिकन सैन्य जॉर्डनमध्ये सल्ला आणि सहाय्य मिशनवर आहे. मध्यपूर्वेतील वाद वाढवायचा नाही, असेही अमेरिका सातत्याने सांगत आहे. तथापि, लेबनॉनमधील हिजबुल्ला आणि येमेनमधील हुथी इराणच्या वतीने इस्रायल आणि अमेरिकन सैन्याविरुद्ध आघाडी करत आहेत. हुथी दररोज लाल समुद्रात क्षेपणास्त्रे डागतात, ज्यामुळे अमेरिका किंवा इस्रायलचे कोणतेही नुकसान होत नाही, परंतु इतर देशांच्या व्यापारावर परिणाम होतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.