Ganesh Chaturthi: चतुर्थीच्या पार्श्वभूमीवर डिचोली बाजारात वाहनांना प्रवेश बंदी सक्तीची करण्यात आली असून, आज सोमवारपासून या निर्णयाची कार्यवाही सुरू झाली आहे. बाजाराला जोडणारे सगळे मार्ग अडथळे घालून बंद करण्यात आले असून, वाहतूक पोलिस वाहतुकीवर नियंत्रण ठेवून आहेत.
पालिकेचे कर्मचारीही परिस्थितीवर लक्ष ठेवून आहेत. सकाळी 7 ते रात्री 10 वाजेपर्यंत आपत्कालीन सेवा वगळता अन्य कोणत्याही वाहनांना दोन दिवस बाजारात प्रवेश करण्यास बंदी घालण्यात आली आहे. डिचोली पालिका आणि वाहतूक पोलिस विभागाच्या अधिकारी यांच्यात झालेल्या संयुक्त बैठकीत हा निर्णय घेण्यात आला आहे.
दरवर्षी चतुर्थी बाजारात ग्राहकांची प्रचंड गर्दी होत असते. आधीच वाहनांमुळे बऱ्याचदा बाजारात समस्या निर्माण होत असते. चतुर्थीच्या बाजारात वाहनांना पूर्णपणे प्रवेश बंदी घालण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
