Uttar Pradesh: उत्तर प्रदेशातील बलिया येथून एक धक्कादायक व्हिडीओ समोर आला आहे. व्हिडीओ पाहिल्यानंतर तुम्हालाही धक्का बसेल. मिळालेल्या माहितीनुसार, बलिया जिल्ह्यातील एका व्यावसायिकाने फेसबुक लाईव्ह दरम्यान स्वतःवर गोळी झाडून घेतली. या घटनेनंतर परिसरात एकच खळबळ उडाली.
सोशल मीडियावर (Social Media) व्हायरल होत असलेल्या या व्हिडीओमध्ये तो तरुण म्हणतो की, 'आम्हाला विनाकारण त्रास दिला जात आहे.' आम्ही सर्वांना पैसे दिले असल्याचे तरुणाचे म्हणणे आहे. मात्र, सर्व सावकारांनी मिळून आम्हाला त्रास देण्यास सुरुवात केली.
पुढे तो तरुण म्हणतो की, 'माननीय योगीजी आणि मोदीजींनी आम्हाला मदत करावी. या लोकांनी आमचे घर लिहून घेतले आहे.' मला जगायचे नाही, असे तरुण म्हणतो. तो पुढे असेही म्हणतो की, 'माझ्या मुलांकडे लक्ष्य द्या, दुसरे काहीही मला नको...' त्यानंतर तो तरुण स्वतःवर गोळी झाडतो. तरुणाने स्वत:वर गोळी झाडल्याचे व्हिडिओत स्पष्टपणे दिसत आहे.
व्हिडीओमध्ये तुम्ही सदर कोतवालीच्या मलगोदाम रोड स्टेशनवर बलिया आर्म्स कॉर्पोरेशनचे मालक नंदलाल गुप्ता यांना पाहत आहात. गुप्ता यांचे फेसबुक लाईव्ह पाहिल्यानंतर सर्वजण दुकानाकडे धावू लागले. तोपर्यंत त्यांचा मृत्यू झाला होता. दुकानात राहणारा मोनूही दुकानाकडे धावला, पण तोपर्यंत खूप उशीर झाला होता. कुटुंबीयांनी त्यांना तातडीने रुग्णालयात (Hospital) नेले, तिथे डॉक्टरांनी त्यांना मृत घोषित केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
