Rajasthan Crime: 'नोकरीचं आमिष, अनेकवेळा बलात्कार, नंतर 36 तुकडे करण्याची धमकी...', महिलेने सांगितली आपबिती

Rajasthan Crime: राजस्थानमधील धौलपूरमध्ये एका महिलेने सरकारी कर्मचाऱ्यावर नोकरीच्या बहाण्याने अनेकवेळा लैंगिक शोषण केल्याचा आरोप केला आहे. पीडितेच्या तक्रारीवरुन पोलिसांनी आरोपीविरुद्ध गुन्हा दाखल करुन त्याची वैद्यकीय तपासणी केली. या प्रकरणाचा तपास सुरु असल्याचे पोलिसांचे म्हणणे आहे.

वास्तविक, धौलपूरच्या बारी येथे राहणाऱ्या एका महिलेचे (30 वर्षे) चार वर्षांपूर्वी पतीसोबत भांडण झाले होते. यानंतर ती दोन मुलांना घेऊन माहेरी आली. तिथे घरकाम करुन ती स्वतःचा आणि मुलांचा उदरनिर्वाह करत होती. दरम्यान, सहाय्यक विकास अधिकारी असलेल्या उमरेह गावातील सुरेंद्र सिंग यांच्याशी तिची मैत्री झाली.

'नोकरीच्या बहाण्याने अनेकवेळा बलात्कार'

दरम्यान, त्याने महिलेला (Women) खूप मदत केली आणि हळूहळू दोघांमध्ये जवळीकता वाढू लागली. सरकारी नोकरीच्या बहाण्याने गेल्या दोन वर्षांत अनेकवेळा बलात्कार केल्याचा आरोप महिलेने केला. एवढेच नाही तर त्याने 1 लाख 65 हजार रुपये घेतले. यानंतर त्याची वास्तविकता लक्षात येताच तिने त्याच्याकडे पैसे मागितले. यावर त्याने धमक्या देण्यास सुरुवात केली.

'पोलिसात तक्रार केली तर 36 तुकडे करण्याची धमकी'

पोलिसात (Police) तक्रार केल्यास तुझे 36 तुकडे करेन, असे तो म्हणाला. आपण बदमाशांच्या संपर्कात राहतो असेही त्याने सांगितल्याचे महिलेचे म्हणणे आहे. घाबरलेल्या महिलेने बारी पोलिस ठाण्यात आरोपीविरुद्ध तक्रार दाखल केली. यावर पोलिसांनी आयपीसी कलम 420, 406, 376 आणि 506 अंतर्गत एफआयआर नोंदवला असून या प्रकरणाचा तपास सुरु आहे.