धक्कादायक ! निष्पाप मुलांसह आईने संपवली जीवनयात्रा, वाचा सविस्तर

राजधानी दिल्लीतील होलंबी कलान रेल्वे स्थानकाजवळ एका महिलेने तिच्या दोन मुलांसह मंगळवारी अमृतसर इंटरसिटी ट्रेनसमोर उडी मारुन आत्महत्या केली. मृतांची अद्याप ओळख पटलेली नाही. पोलिसांनी तिन्ही मृतदेह ताब्यात घेऊन पोस्टमॉर्टमसाठी पाठवले आहेत.

दरम्यान, डीसीपी (Railways) हरेंद्र के सिंह यांनी सांगितले की, एका महिलेने दोन मुलांसह आत्महत्या केली. आज दुपारी 2:13 च्या सुमारास आरपीएफ नियंत्रण कक्षाने केएम पोल क्रमांक 20/22 जवळ एका महिलेला (Women) ट्रेनने धडक दिल्याची माहिती दिली.

दुसरीकडे, तपास अधिकारी ताबडतोब होलंबी कलान रेल्वे स्टेशनवर पोहोचले. अज्ञात महिलेसह दोन मुलांचे मृतदेह त्यांना मिळाले. एका मुलाचे वय सुमारे 4 ते 5 वर्षे आणि दुसऱ्याचे वय 10 महिने आहे. मृतांची ओळख पटवण्याचे काम सुरु असल्याचे डीसीपींनी सांगितले. या घटनेबाबत सीआरपीसी कलम 174 अन्वये कारवाई करण्यात येत आहे. याप्रकरणी अधिक तपास केला असता ही आत्महत्येची घटना असल्याचे त्यांनी सांगितले. पोलिसांनी (Police) अमृतसर इंटर सिटी ट्रेनचा चालक अशोक यांच्याशी संपर्क साधला असता त्यांनी फोनवर सांगितले की, दोन मुलांसह महिला रुळावर आली होती आणि ट्रेन 100 किमी प्रतितास पेक्षा जास्त वेगाने जात होती, त्यामुळे ही घटना टाळता आली नाही.