झिंगाट नवऱ्यासाठी बायकोला व्हाव लागलं दुर्गा

आज महिलांच्या जिव्हाळ्याचा सण म्हणजे करवा चौथ (Karva Chauth) आहे. या दिवशी महिला आपल्या पतीच्या दीर्घायुष्यासाठी उपवास करतात, त्यांची पुजा करतात. आपल्या पतीसाठी विविध प्रकारचे जेवण तयार करतात. नटतात- थटतात आणि साज श्रृंगार करून चंद्राची पुजा करतात. पण उत्तर प्रदेशातील (UP) इटावामधून एक अनोखीच बातमी समोर आली आहे. करवा चौथच्या दिवशी पत्नीने अजब प्रकारे आपल्या पतीची पुजा केली.

उत्तर प्रदेशातील इटावा येथे करवा चौथच्या एक दिवस आधी एका पत्नीने आपल्या पतीला सार्वजनिक ठीकाणी दोरीने बांधून त्याची चांगलीच पुजा केली आहे. मिळालेल्या महितीनुसार पती नशेच्या अवस्थेत असतांना त्याला पत्नीने जबर मारहाण केली.

हे प्रकरण इटावा जिल्ह्यातील महेवा मार्केटमध्ये घडले आहे, जिथे दारूच्या नशेत एक तरुण रसगुल्ल्याच्या दुकानासमोर उभा होता. त्यानंतर पत्नीने येऊन पतीचा हात दोरीने बांधला आणि त्याला मारहाण करण्यास सुरुवात केली. महिलेने आपल्या पतीला मारहाण केल्याचे पाहून घटनास्थळी घबराट पसरली आणि त्या ठिकाणी लोकांचा जमाव जमला. गर्दी पाहून महिलेने आपल्या पतीला फरफटत घरात नेले.

शनिवारी सकाळी पत्नीने पतीला करवा चौथच्या पूजेसाठी वस्तू खरेदी करण्यासाठी पैसे दिले होते. तो पैसे घेवून बाजारत गेला तर कर मात्र बराच वेळ घरी न आल्याने पत्नीला काळजी वाटायला लागली. आपला पती घरी न पोहोचल्याने पत्नी त्याला शोधत बाजारात पोहोचली. तेथे तिने पतीला मद्यधुंद अवस्थेत पाहिले. आणि तिच्या तळपायाची आग मस्तकात गेली. तो राग एवढा प्रचंड होता की तिने आपल्या पतीला बाजारात मारहाण करायला सुरवात केली. पतीला मद्यधुंद अवस्थेत पाहून महिलेचा राग अनावर झाला आणि तिने दारूच्या नशेत असलेल्या पतीला मारहाण करण्यास सुरुवात केली. मात्र, ही बाब अद्या स्थानिकप बकेवार पोलिसांच्या निदर्शनास आली नाही. एसओने या घटनेची माहिती देणे टाळले.