WHO ने 'नोव्हावॅक्स' लसीला आपत्कालीन वापरासाठी दिली मंजूरी

जागतिक आरोग्य संघटनेने (WHO) आपत्कालीन वापरासाठी कोवोव्हॅक्सला मान्यता दिली आहे. सीरम इन्स्टिट्यूट ऑफ इंडियाचे सीईओ आदर पूनावाला (Adar Poonawalla) यांनी याबाबत माहिती दिली आहे. ते म्हणाले की, सुरक्षा आणि परिणामकारकता दर्शविणाऱ्या कोवोव्हॅक्सला WHO ने आपत्कालीन वापरासाठी मान्यता दिली आहे. या यशाबद्दल आनंद व्यक्त करत आदर पूनावाला यांनी WHO चे आभार मानले आहेत. ते पुढे म्हणाले, “कोरोनाविरुद्धच्या आमच्या लढ्यात हा अजून एक मैलाचा दगड आहे. Kovovax ला आपत्कालीन वापरासाठी मान्यता देण्यात आली आहे.

दरम्यान, Novovax-SII च्या Kovovax ला नुकतीच इंडोनेशिया (Indonesia) आणि फिलीपिन्समध्ये आपत्कालीन वापराची मान्यता मिळाली आहे. यानंतर WHO कडून आपत्कालीन वापरासाठी मान्यता मिळाल्यानंतर सीरम इन्स्टिट्यूट ऑफ इंडियाला आणखी एक मोठे यश मिळाले आहे. यापूर्वी केंद्र सरकारने 'कोव्हॉवॅक्स'च्या 5 कोटी डोसच्या निर्यातीला परवानगी दिली होती. सीरम इन्स्टिट्यूटला कोवोव्हॅक्सच्या 50 दशलक्ष डोसच्या समतूल्य 5 दशलक्ष कुपी इंडोनेशियाला निर्यात करण्याची परवानगी होती.

शिवाय, SII ने सरकारकडे निर्यातीला मान्यता देण्याची मागणी केली होती आणि सांगितले होते की जर ही परवानगी दिली नाही तर डिसेंबर 2021 पर्यंत कोवोव्हॅक्सचे एक कोटी डोस वाया जातील. सीरम इन्स्टिट्यूटने कोवोव्हॅक्सच्या आपत्कालीन वापरास मान्यता देण्यासाठी यावर्षी 21 मे रोजी ड्रग कंट्रोलर जनरल ऑफ इंडिया (DCGI) कडे अर्ज केला होता.

यापूर्वी, DCGI ने 12 ते 17 वर्षे वयोगटातील मुलांवर कोवोव्हॅक्स लसीच्या चाचणीसाठी सीरम इन्स्टिट्यूट ऑफ इंडियाला मान्यता दिली होती. SII ने यापूर्वीच 100 मुलांवर हा प्रयोग केला आहे, ज्यांचा डेटा DCGI ला देण्यात आला होता.

त्याचवेळी, कोवोव्हॅक्सला WHO कडून आपत्कालीन वापरासाठी मंजुरी मिळाल्याची बातमी अशा वेळी आली आहे, जेव्हा देशात ओमिक्रॉनचा धोका वाढत आहे. आरोग्य मंत्रालयाच्या म्हणण्यानुसार, देशातील 11 राज्यांमधून ओमिक्रॉनचे 101 रुग्ण आढळले आहेत, त्यानंतर सर्व लोकांना सतर्क राहण्यास सांगण्यात आले आहे.