PM मोदींचे सिडनीत भव्य स्वागत, आकाशात रेखाटले 'वेलकम मोदी' पाहा video

PM Modi In Sydney: पंतप्रधान नरेंद्र मोदी ऑस्ट्रेलियात आहेत. आज त्याचा सिडनीमध्ये मोठा कार्यक्रम आहे. यावेळी पंतप्रधानांचे भव्य स्वागत करण्यात आले. 

मनोरंजनात्मक विमानाच्या मदतीने पंतप्रधानांच्या स्वागतासाठी आकाशात 'वेलकम मोदी' असे लिहिले होते. पंतप्रधान म्हणून त्यांचा हा दुसरा ऑस्ट्रेलिया दौरा आहे.

पंतप्रधान मोदी यापूर्वी पापुआ न्यू गिनीमध्ये होते. आयलँड देशाचे पंतप्रधान जेम्स मारापे यांनी त्यांच्या पायांना स्पर्श केला होता.यामुळे सोशल मिडियावर चांगलीच चर्चा सुरु आहे.तसेच संजय राउत यांनी देखील हल्लाबोल केला आहे.  त्याचवेळी जपानमधील हिरोशिमा येथे G7 शिखर परिषदेत पोहोचलेल्या जो बायडन यांनी पंतप्रधानांचा ऑटोग्राफ मागितला होता.

पंतप्रधान नरेंद्र मोदी आज सिडनीमध्ये ऑस्ट्रेलियन सुपर सीईओ पॉल श्रोडर, फोर्टेस्क्यु फ्यूचर इंडस्ट्रीजचे कार्यकारी अध्यक्ष अँड्र्यू फॉरेस्ट, हॅनकॉक प्रॉस्पेक्टिंगच्या कार्यकारी अध्यक्षा जीना राइनहार्ट यांची भेट घेणार आहेत. याशिवाय पंतप्रधान मोदी ऑस्ट्रेलियातील काही प्रभावशाली लोकांशीही भेट घेणार आहेत.