Viral Stunt Video: आजच्या सोशल मीडियाच्या जमान्यात छोट्यातल्या छोटी गोष्ट व्हायरल होते. सोशल मीडियावर रील बनवून रातोरात प्रसिद्ध होण्याची क्रेझ तरुणांमध्ये मोठ्या प्रमाणात वाढली आहे. मात्र ही क्रेझ तोपर्यंत ठीक आहे, जोपर्यंत ती कुणाच्याही जीवाला धोका पोहोचवत नाही. परंतु काही लोक केवळ काही व्ह्यूज आणि 'व्हायरल' होण्याच्या नादात आपला जीव धोक्यात घालत आहेत. अशाच एका तरुणाचा जीवघेणा व्हिडीओ सध्या सोशल मीडियावर व्हायरल होत आहे.
दरम्यान, व्हायरल झालेल्या व्हिडिओमध्ये एक तरुण देशातील सर्वात लांब असलेल्या पुलावर लटकून पुल-अप्स मारताना दिसत आहे. हा पुल-अप्स तो कोणत्याही जिममध्ये किंवा घरावर मारत नसून, चक्क पुलाच्या कड्याला पकडून मारत आहे. हा तरुण डॉ. भूपेन हजारिका सेतू (Dhola-Sadiya Bridge) या पुलावर लटकून हा धोकादायक स्टंट करत आहे.
व्हिडिओमध्ये दिसते की, तो पुलावरुन खाली लटकलेला आहे आणि त्याच्या खाली नदी वाहत आहे. जर त्याचा हात चुकूनही निसटला असता, तर मोठा अपघात झाला असता आणि यात त्याचा जीवही जाऊ शकला असता. पण एका रीलसाठी तो आपला जीव धोक्यात घालताना दिसत आहे.
डॉ. भूपेन हजारिका सेतू हा भारताचा सर्वात लांब पूल आहे. तो आसाममधील तिनसुकिया जिल्ह्यात आहे. हा पूल ब्रम्हपुत्रा नदीवर बांधण्यात आला असून, तो अरुणाचल प्रदेश आणि आसामला जोडतो. 9.15 किलोमीटर लांबीचा हा पूल आहे. पण याच पुलाचा वापर एका तरुणाने स्वतःचा जीव धोक्यात घालण्यासाठी केला आहे. हा व्हिडिओ _crazy_.nani नावाच्या इन्स्टाग्राम अकाउंटवरुन पोस्ट करण्यात आला आहे. व्हिडिओच्या कॅप्शनमध्ये असे लिहिले की, "आसाममधील तिनसुकिया जिल्ह्यात असलेल्या भारतातील सर्वात लांब पूल डॉ. भूपेन हजारिका सेतूवर एका तरुणाने केलेला धोकादायक स्टंट सोशल मीडियावर व्हायरल होत आहे."
सोशल मीडियावर प्रसिद्धी मिळवण्याच्या या हव्यासापोटी तरुण मंडळी असे जीवघेणे स्टंट करत आहेत. केवळ लाईक्स आणि कमेंट्सच्या मागे लागून ते स्वतःच्या आयुष्याची किंमत शून्य मानत आहेत. असे स्टंट करणाऱ्यांची संख्या दिवसेंदिवस वाढत आहे. या घटना केवळ तरुणांच्याच नव्हे तर त्यांच्या कुटुंबियांच्याही आयुष्यासाठी धोकादायक ठरत आहेत. अशा प्रकारचे व्हिडीओ बनवताना सुरक्षा नियमांकडे पूर्णपणे दुर्लक्ष केले जाते. हे कृत्य केवळ बेजबाबदारच नव्हे तर इतरांनाही असे धोकादायक कृत्य करण्यास प्रोत्साहित करते. त्यामुळे अशा व्हिडिओंचा निषेध करणे आणि तरुणांना योग्य मार्गदर्शन करणे आवश्यक आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.