Viral Video on Love: प्रेम हा एक असा शब्द आहे, जो प्रत्येकाच्या मनाला स्पर्श करतो, पण तो समजून घेण्याची आणि अनुभवण्याची प्रत्येकाची पद्धत वेगळी असते. अनेकदा असे म्हटले जाते की, मुली प्रेमात पडण्याआधी अनेक गोष्टींचा विचार करतात. त्या समोरच्या व्यक्तीचा स्वभाव, दिसणे आणि आर्थिक स्थिती अशा अनेक गोष्टींची तपासणी करतात, तर मुले सहसा आपल्या भावनांना जास्त महत्त्व देतात. पण खरंच प्रेम करताना असे काही नियम-कायदे काम करतात का? हाच प्रश्न एका व्हिडिओने अतिशय मजेशीर पद्धतीने मांडला आहे, ज्यामुळे हा व्हिडिओ सोशल मीडियावर तूफान व्हायरल झाला आहे.
सोशल मीडियावर (Social Media) व्हायरल झालेल्या या व्हिडिओमध्ये एक मुलगी आणि मुलगा यांच्यात प्रेमाबद्दल एक मजेदार वाद सुरु असल्याचे दिसत आहे. व्हिडिओमध्ये माईक घेतलेली मुलगी दावा करते, “मी मन पाहून प्रेम करते.” यावर मुलगा लगेचच पलटवार करत म्हणतो, “नाही यार, तुम्ही सगळ्या मुली फक्त चेहरा पाहून प्रेम करता.” मुलगी आपल्या म्हणण्यावर ठाम राहते आणि ती खरंच मन पाहून प्रेम करत असल्याचे सांगते. पण मुलाचे पुढचे उत्तर ऐकून सगळे हसून लोटपोट होतात.
मुलाने आपल्या म्हणण्याचा पुरावा देण्यासाठी जवळच उभ्या असलेल्या एका वृद्ध व्यक्तीला समोर आणले. तो त्या व्यक्तीकडे पाहून मुलीला म्हणाला, “मन पाहून प्रेम करते ना? मग यांच्याकडेही मन आहे, यांच्यावर प्रेम कर!” मुलाचे हे उत्तर ऐकून मुलगी पूर्णपणे अवाक झाली. तिला ना हसू आवरता आले, ना काही बोलता आले. तिच्या चेहऱ्यावरचे भाव पाहण्यासारखे होते. ती पूर्णपणे गोंधळून गेली. विशेष म्हणजे, व्हिडिओ रेकॉर्ड करत असलेला व्यक्तीही हसू आवरु शकला नाही. तो वृद्ध व्यक्तीही मुलाकडे आश्चर्याने पाहू लागला. व्हिडिओतील हा मजेदार प्रसंग त्याला अधिकच व्हायरल करत आहे.
दुसरीकडे, हा व्हिडिओ (Video) सोशल मीडियावरील इंस्टाग्रामवर जीएम अन्वर (@gm_anwar01) नावाच्या युजरने शेअर केला आहे. आतापर्यंत या व्हिडिओला 6 लाखांहून अधिक व्ह्यूज मिळाले आहेत. या व्हिडिओसोबत “मन पाहून प्रेम होते का?” असा प्रश्न विचारण्यात आला आहे, ज्यामुळे कमेंट सेक्शनमध्ये प्रतिक्रियांचा पाऊस पडला आहे.
अनेक यूजर्संनी मुलाच्या बोलण्याशी सहमती दर्शवली. एका युजरने मुलाला ‘टोपीबाज’ असे नाव दिले. एकाने गंमतीने लिहिले, “मन पाहून प्रेम करायचं असेल, तर आधी मन काढून दाखवा.” तर दुसऱ्याने खोचकपणे म्हटले, “यांच्याकडे पैसा असेल, तर या मुली यांच्यासोबतही प्रेम करतील.”
हा व्हिडिओ केवळ मनोरंजनापुरता मर्यादित नसून त्याने प्रेमाच्या सध्याच्या व्याख्यांवर एक मजेदार प्रश्नचिन्ह निर्माण केले आहे. खरे प्रेम कशावर आधारित असते, यावर आजही अनेक लोकांमध्ये चर्चा सुरु असते. मुलाने दिलेल्या उत्तरामुळे अनेकजण विचार करु लागले आहेत की, प्रेम खरंच मन पाहून होते की बाह्य रुप आणि आर्थिक परिस्थिती पाहून?
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.