धक्कादायक : भारतात महिलांवरील हिंसाचारात 30 टक्क्यांची वाढ

देशात महिलांच्या सुरक्षेचा मुद्दा प्रमुख्याने दिल्लीतील निर्भया प्रकरणानंतर मोठ्या प्रमाणात चर्चेत आला होता. मात्र ह्या समस्या कमी न होता त्या वाढतच असल्याची धक्कादायक बाब समोर आली आहे. हे वाढलेले हिंसाचाराची प्रकरणे कर्नाटकात सर्वाधिक वाढल्याचं स्पष्ट झालं आहे. तसेच राजकिय नेते या मुद्याचा वापर लोकप्रतिनिधी केवळ राजकिय मुद्दा म्हणूनच वापरत असल्याचं ही स्पष्ट झालं आहे. ( Violence against women rises by 30% in India )

राष्ट्रीय कौटुंबिक आरोग्य विभागाने दिलेल्या माहितीनुसार एक धक्कादायक बाब समोर असुन केलेल्या सर्वेक्षण अहवाल-5 (NFHS) नुसार, भारतात महिलांवर होणाऱ्या शाररिक हिंसाचारात 30 टक्क्यांची वाढ झाल्याचे दिसून आले आहे. केंद्रीय आरोग्य मंत्री मनसुख मांडविया यांनी गुरुवारी हा अहवाल जाहीर केला. यातील निराशाजनक बाब म्हणजे केवळ 14 टक्के महिलांनीच या हिंसाचाराविरोधात आवाज उठवला आहे.

हिंसाचारात कर्नाटक राज्य आघाडीवर

महिलांवर हिंसाचार होणऱ्या घटनांमध्ये कर्नाटक राज्याचा प्रथम क्रमांक लागतो. कर्नाटकात महिलांवर सर्वाधिक म्हणजेच 48 टक्के घरगुती हिंसाचार झाले आहे. त्यापाठोपाठ बिहार, तेलंगणा, मणिपूर आणि तामिळनाडूचा क्रमांक लागतो.

लक्षद्वीपमध्ये महिलांवरील घरगुती हिंसाचार होण्याचे प्रमाण सर्वात कमी आहे. (2.1 टक्के). महिलांच्या तुलनेत देशातील केवळ ४ टक्के पुरुषांना घरगुती हिंसाचाराचा सामना करावा लागतो आहे. तसेच या सर्वेक्षणात असे दिसून आले आहे, की 30 टक्के विवाहित महिला वयाच्या 18 ते 49 वर्षात लैंगिक किंवा भावनिक हिंसाचाराच्या बळी पडल्या आहेत.